Беатрыс Адад Мая
Беатрыс Адад Мая (парт.: Beatriz Haddad Maia; нар. 30 мая 1996 года, Сан-Паўлу, Бразілія) — бразільская прафесійная тэнісістка; фіналістка аднаго турніру Вялікага шлема ў парным разрадзе (Адкрыты чэмпіянат Аўстраліі-2022) разам з Ганнай Данілінай; пераможца сямі турніраў WTA (з іх тры ў адзіночным разрадзе).
 Беатрыс Адад Мая | |
|---|---|
| парт.-браз. Beatriz Haddad Maia[1] | |
_(35379438723).jpg) | |
| Нарадзілася |
30 мая 1996[2][1] (28 гадоў) |
| Грамадзянства | |
| Рэзідэнцыя | Рыа-дэ-Жанэйра, Бразілія |
| Рост | 185 см |
| Вага | 78 кг |
| Прафесійная кар’ера | 2011 — ц.ч. |
| Вядучая рука | левая |
| Удар злева | двухручны |
| Трэнер(ы) | Рафаэль Пак’яронэ |
| Прызавыя грошы | 7 312 832 $[2] |
| Адзіночны разрад | |
| Вынікі (в/п) | 461–241[2] |
| Тытулы | 3 WTA, 1 WTA 125K, 17 ITF |
| Найвышэйшы рэйтынг | 10 (12 чэрвеня 2023) |
| Турніры серыі Вялікага шлема | |
| Аўстралія | 2-і раўнд (2018, 2019, 2022) |
| Францыя | 1/2 фіналу (2023) |
| Уімблдан | 4-ы раўнд (2023) |
| ЗША | 2-і раўнд (2022) |
| Парны разрад | |
| Вынікі (в/п) | 172–99[2] |
| Тытулы | 5 WTA, 1 WTA 125K, 9 ITF |
| Найвышэйшы рэйтынг | 12 (9 студзеня 2023) |
| Турніры серыі Вялікага шлема | |
| Аўстралія | фінал (2022) |
| Францыя | 2-і раўнд (2022) |
| Уімблдан | 3-і раўнд (2017, 2022) |
| ЗША | 3-і раўнд (2022) |
 Медыяфайлы на Вікісховішчы[3] | |
| Апошняе абнаўленне: 8 ліпеня 2023 года | |
Агульная інфармацыя
правіцьБеатрыс пачала займацца тэнісам ва ўзросце пяці гадоў. Валодае двухручным ударам злева з рабочай рукі.
Спартыўная кар’ера
правіцьУ юніёрскім рэйтынгу Адад Мая дасягнула максімальна 15-га месца. Першы тытул у дарослай кар’еры выйграла ў 2010 годзе на парным 10-тысячніку з цыклу ITF. Першы падобны турнір у адзіночным разрадзе выйграла ў кастрычніку 2011 года. У лютым 2012 года Беатрыс згуляла першы матч за зборную Бразіліі ў розыгрышы Кубка Федэрацыі. У лютым 2013 года адбыўся яе дэбют у асноўных спаборніцтвах WTA-тура, калі Адад атрымала спецыяльнае запрашэнне на турнір у Фларыянопалісе. У лютым 2015 года яна на яшчэ адным турніры ў Бразіліі — у Рыа-дэ-Жанэйра ўпершыню прайшла ў чвэрцьфінал узроўню WTA-тура. У красавіку таго ж года ў пары з суайчынніцай Паулай Крысцінай Гансалвес яна выйграла першы тытул у туры на парных спаборніцтвах у Багаце. У лістападзе 2016 года Адад Мая выйграла запар два 50-тысячнікі з цыклу ITF, што праводзіліся ў ЗША.
- Допінгавы скандал
У ліпені 2019 года Адад Мая была адхілена ад спаборніцтваў. Яе допінг-проба, узятая падчас спаборніцтваў у Багаце, дала станоўчы вынік. У мачы бразільянкі былі знойдзены селектыўныя мадулятары андрагенных рэцэптараў, якія забаронены WADA[4].
- Вяртанне пасля дыскваліфікацыі
Вяртанне на корт адбылося праз год. У верасні 2020 года Адад Мая згуляла на 25-тысячніку ITF у Партугаліі і змагла выйграць яго. Восенню яна ў цэлым выйграла чатыры тытулы на невялікіх турнірах з цыклу ITF. У верасні 2021 года бразільянка выйграла два тытулы на 60-тысячніках ITF, якія праводзіліся ў Швейцарыі.
Выніковае месца ў рэйтынгу WTA паводле гадоў
правіць| Год | Адзіночны рэйтынг |
Парны рэйтынг |
| 2022 | 15 | 13 |
| 2021 | 82 | 481 |
| 2020 | 358 | 588 |
| 2019 | 120 | 271 |
| 2018 | 184 | 244 |
| 2017 | 65 | 106 |
| 2016 | 211 | 477 |
| 2015 | 198 | 121 |
| 2014 | 335 | 349 |
| 2013 | 288 | 361 |
| 2012 | 582 | 819 |
| 2011 | 746 | 714 |
Крыніцы
правіць- ↑ а б в г https://revistatenis.uol.com.br/bio/beatriz-haddad-maia.html
- ↑ а б в г Player Profile // WTA website
- ↑ ВікіСховішча — 2004.
- ↑ Беатрис Хаддад-Майя отстранена от участия в соревнованиях из-за положительного теста на допинг (руск.). Архівавана з першакрыніцы 28 кастрычніка 2021. Праверана 12 кастрычніка 2021.
Спасылкі
правіць- Профіль на сайце WTA Tour (англ.)
- Профіль на сайце ITF (англ.)
- Профіль на сайце Кубка Федэрацыі (англ.)