Бедржых Фрыда
Бе́држых Фры́да (чэшск.: Bedřich Frída; 1 ліпеня 1855, Сланы — 15 кастрычніка 1918, Сланы) — чэшскі перакладчык і тэатральны крытык.
| Бедржых Фрыда | |
|---|---|
 | |
| Род дзейнасці | перакладчык, пісьменнік, тэатральны крытык, драматург, школьны настаўнік |
| Дата нараджэння | 1 ліпеня 1855[1][2][…] |
| Месца нараджэння | |
| Дата смерці | 15 кастрычніка 1918[1][2][…] (63 гады) |
| Месца смерці | |
| Месца пахавання | |
| Жонка | Бажэна Фрыдава[d] |
Скончыў філасофскі факультэт Карлава ўніверсітэта. З 1879 г. выкладаў у пражскай вышэйшай жаночай школе. Быў жанаты з сястрой пісьменніка і перакладчыка Ёзефа Вацлава Сладака, даводзячыся пры гэтым братам паэту і перакладчыку Яраславу Врхліцкаму. У адрозненне ад Сладака Фрыда, як і Врхліцкі, сканцэнтраваўся на працы з раманскімі мовам.
Фрыду належаць пераклады больш за 90 празаічных сачыненняў, выдадзеных асобна ці апублікаваных у перыёдыцы (перш за ўсё, у часопісе «Лумір»), — сярод іх, напрыклад, раман Эміля Заля «Разгром» (чэшск.: Zkáza, апублікаваны па-чэшску ў тым жа 1892 г., што і па-французску), «Уарда» Георга Эберса, «Знакаміты доктар Матэус» Эркмана-Шатрыяна, навелы Тэафіля Гацье, Анарэ дэ Бальзака, Праспера Мерымэ, Гі дэ Мапасана і інш. Акрамя таго, для Нацыянальнага тэатра пераклаў больш за 60 п’ес — у тым ліку вадэвіль Эжэна Лабіша «Любы Селімар», трагедыю Віторыа Альф’еры «Філіп», п’есы Віктар’ена Сарду, Дзюма-сына і інш.
Зноскі
- ↑ а б Bedřich Frída // The Fine Art Archive Праверана 9 кастрычніка 2017.
- ↑ а б в Czech National Authority Database Праверана 23 лістапада 2019.
- ↑ The Fine Art Archive — 2003. Праверана 1 красавіка 2021.
- ↑ Archiv hl. m. Prahy, Matrika zemřelých u sv. Vojtěcha, sign. VO Z12, s. 142
- ↑ BillionGraves — 2011.
Спасылкі
правіць- Артыкул у Энцыклапедыі Ота(недаступная спасылка) (чэшск.)