Беларускі гістарычны часопіс

Беларускі гістарычны часопіс — беларускі навукова-тэарэтычны, навукова-метадычны ілюстраваны часопіс.

«Беларускі гістарычны часопіс»
Тып часопіс
Заснавальнік Міністэрства адукацыі Рэспублікі Беларусь, выдавецтва „Адукацыя і выхаванне“», Інстытут гісторыі НАНБ, Беларускі дзяржаўны ўніверсітэт
Выдавец Выдавецтва «Адукацыя і выхаванне»
Краіна Беларусь
Галоўны рэдактар Аляксандр Корзюк
Тэматыка гістарычныя, юрыдычныя навукі, мастацтвазнаўства, культуралогія, методыка выкладання гісторыі
Мова беларуская, руская
Перыядычнасць штомесяц
Аб’ём 11,2 улікова-выдавецкага аркуша
Галоўны офіс 220073, Мінск, вул. Кальварыйская, 25, пакой 408.
Тыраж 400

Гісторыя і сучаснасць правіць

Заснаваны ў 1993 годзе. Спачатку выдаваўся 4 разы на год. З 2002 года ўваходзіць у склад выдавецтва «Адукацыя і выхаванне». З ліпеня 2003 года выходзіць штомесяц.

Уключаны ў Пералік навуковых выданняў Вышэйшай атэстацыйнай камісіі Рэспублікі Беларусь для апублікавання вынікаў дысертацыйных даследаванняў па гістарычных і юрыдычных навуках, мастацтвазнаўстве, культуралогіі.

Змяшчае матэрыялы па гісторыі беларускай дзяржаўнасці, палітычнай, эканамічнай, аграрнай, ваеннай, канфесійнай гісторыі, гісторыі палітычных партый і рухаў, па праблемах палітычнага і грамадскага жыцця, гісторыі адукацыі, методыцы выкладання гісторыі і іншых, якія дапамагаюць навукоўцам, выкладчыкам, настаўнікам і студэнтам больш дакладна арыентавацца ў розных поглядах на праблемы гістарычнай навукі, адукацыі і выхавання моладзі.

Галоўныя рэдактары правіць

Спасылкі правіць