Буда-Кашалёўскі біялагічны заказнік
Буда-Кашалёўскі біялагічны заказнік — заказнік у цэнтры Буда-Кашалёўскага раёна Гомельскай вобласці (Беларусь). Плошча 13 575 га. Яго тэрыторыя ахоплівае рэдкія захаваныя лясныя масівы ў марэнна-зандравым ландшафце, спрыяльным для сельскагаспадарчага асваення і таму амаль цалкам разаранага.
Буда-Кашалёўскі | |
---|---|
Размяшчэнне | Беларусь |
Плошча | 13 575 га |
Створаны 13 красавіка 1988 года для захавання рэшткавых фрагментаў каштоўных дуброў з рэдкімі відамі ахоўных раслін, занесеных ў Чырвоную кнігу Беларусі, якія маюць вялікае навуковае, культурнае і эстэтычнае значэнне.
На тэрыторыі Дзяржаўнага біялагічнага заказніка «Буда-Кашалёўскі» забараняюцца пасьба скаціны, парушэнне глебавага покрыва, правядзенне меліярацыйных і іншых прац, якія выклікаюць змену натуральнага ландшафта і воднага рэжыму, рух механізаванага транспарту па-за дарогамі, не звязаны з вядзеннем лясной гаспадаркі, выкарыстанне ядахімікатаў, а на тэрыторыі асабліва ахоўных участкаў лесу з абмежаваным рэжымам лесакарыстання — правядзенне рубак галоўнага карыстання, раскарчоўка, здабыча жывіцы і драўняных сокаў, паляванне.
Літаратура правіць
- Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).