Валерый Пятровіч Бахно

Валерый Бахно (нар. 28 чэрвеня 1971, Мікашэвічы) — беларускі футбаліст (паўабаронца) і трэнер. У 2003—2018 гадах з’яўляўся галоўным трэнерам мікашэвіцкага «Граніта».

Валерый Бахно
Поўнае імя	Валерый Пятровіч Бахно
Нарадзіўся	28 чэрвеня 1971(1971-06-28) (53 гады) Мікашэвічы, Лунінецкі раён, Брэсцкая вобласць, БССР, СССР
Грамадзянства	Беларусь
Пазіцыя	паўабаронца
Клубная кар’ера
1994 Саматлор-XXI (Ніжневартаўск) 20 (0) 1994 Шахцёр (Салігорск) 4 (1) 1995 Іртыш (Табольск) 1 (0) 1995 Граніт (Мікашэвічы) 2 (0) 1996—1997 Шахцёр (Салігорск) 16 (0) 1997—2000 Граніт (Мікашэвічы) 88 (19) 2000 Жальгірыс (Вільнюс) 2 (0) 2001 Гетман (Замасць) 4 (0) 2003—2006 Мікашэвічы 112 (3)
Трэнерская кар’ера
1997—2000 Граніт (Мікашэвічы) 2003—2018 Граніт (Мікашэвічы) 2018 Граніт (Мікашэвічы) трэнер 2019 Граніт (Мікашэвічы)

Клубная кар’ера

Пачынаў кар’еру ў Расіі, потым гуляў у Беларусі за мікашэвіцкі «Граніт» і салігорскі «Шахцёр». У 2000—2001 гадах выступаў у Літве і Польшчы, пасля вярнуўся ў склад «Граніта», у якім і завяршыў кар’еру іграка ўвосень 2006 года.

Трэнерская кар’ера

Яшчэ з 1997 года стаў працаваць гуляючым трэнерам мікашэвіцкага «Граніта», з перапынкамі на легіянерскі перыяд кар’еры. Увосень 2006 года завяршыў кар’еру іграка і сканцэнтраваўся на трэнерскай працы. Па выніках сезона 2007 вывеў «Граніт» у Вышэйшую лігу, з якой клуб вылецеў праз два гады. У 2014 годзе «Граніт» перамог у Першай лізе і зноў атрымаў месца ў элітным дывізіёне, дзе ў 2015 годзе заняў пятае месца, але праз год зноў апынуўся ў Першай лізе.

У ліпені 2018 года Валерый Бахно саступіў пасаду галоўнага трэнера свайму памочніку Алегу Сідарэнкаву, сам застаўся старшым трэнерам каманды. У студзені 2019 года стала вядома, што Бахно пераехаў жыць у Польшчу.

У ліпені 2019 года вярнуўся на пасаду галоўнага трэнера «Граніта», аднак у хуткім часе зноў пакінуў клуб. Асеўшы ў Польшчы, стаў там дзіцячым трэнерам.

Трэнерскія дасягненні

• Пераможца Першай лігі чэмпіянату Беларусі: 2014