ФК Мікашэвічы
«Мікашэвічы» — беларускі футбольны клуб з горада Мікашэвічы, заснаваны ў 1978 годзе. Доўгі час быў вядомы пад назвай «Граніт». У 2008—2009 і 2015—2016 гадах выступаў у Вышэйшай лізе чэмпіянату Беларусі. У цяперашні час гуляе ў Другой лізе.
| Мікашэвічы | |||
|---|---|---|---|
.jpg) | |||
| Поўная назва | ЛРГА «Футбольны клуб „Граніт-Мікашэвічы“» | ||
| Заснаваны | 1978 | ||
| Горад | Мікашэвічы, Беларусь | ||
| Стадыён |
«Палессе», Лунінец Умяшчальнасць: 3136 |
||
| Галоўны трэнер | Аляксандр Самусевіч | ||
| Чэмпіянат | Другая ліга | ||
| 2022 | 13 месца ў Брэсцкім дывізіёне | ||
| Сайт | Афіцыйны сайт | ||
| |||
Гісторыя Правіць
Клуб быў заснаваны ў 1978 годзе. З 1994 года пачаў удзельнічаць у чэмпіянаце Беларусі, у 1998 годзе «Граніт» выйшаў у Першую лігу, дзе доўгі час знаходзіўся сярод прэтэндэнтаў на павышэнне і, заняўшы па выніках сезону 2007 другое месца ў Першай лізе, упершыню ў гісторыі прабіўся ў элітны беларускі дывізіён. У 2008 годзе каманда заняла 10-е месца з 16 у Вышэйшай лізе чэмпіянату Беларусі, аднак у наступным сезоне фінішавала перадапошняй і вярнулася ў Першую лігу.
У сезоне 2014, сабраўшы добры склад з вопытных ігракоў, «Граніт» здолеў атрымаць перамогу ў другім дывізіёне і зноў выйсці ў Вышэйшую лігу. Захаваўшы лідараў і ўзмацніўшыся легіянерамі, у сезоне 2015 каманда заняла высокае 5-е месца ў Вышэйшай лізе. Сезон 2016 таксама пачынаўся для «Граніта» нядрэнна, аднак неўзабаве ў клубе пачаліся фінансавыя праблемы, з-за якіх улетку каманду пакінулі ўсе ігракі асноўнага складу. Новы склад быў набраны пераважна з ігракоў клубаў Першай лігі, і ў другой палове сезону «Граніт» амаль нічога не мог супрацапаставіць сапернікам, заняўшы ў выніку апошняе 16-е месца, і выбыў у Першую лігу.
Зноў апынуўшыся ў Першай лізе, «Граніт» стаў камплекаваць каманду ў асноўным з маладых ігракоў, звычайна беручы іх у арэнду ў клубаў Вышэйшай лігі, і стаў серадняком чэмпіянату. У ліпені 2018 года замест Валерыя Бахно, які доўгі час кіраваў камандай, новым галоўным трэнерам стаў Алег Сідарэнкаў. Сезон 2019 каманда пачынала пад кіраўніцтвам Мікалая Бранфілава, пазней яго змяніў Аляксандр Вопсеў, некаторы час каманду ізноў трэніраваў Валерый Бахно, які часова вярнуўся ў Беларусь. У студзені 2020 года новым трэнерам быў прызначаны Алег Кароль. У сезоне 2020 «Граніт» быў аўтсайдарам, у складзе былі ў асноўным ігракі, якія не падышлі іншым клубам, і ў выніку каманда скончыла сезон на 13-м месцы з 14.
У пачатку 2021 года далейшы лёс «Граніта» доўгі час быў нявызначаным, бо кантракты скончыліся ва ўсіх ігракоў, у сакавіку каманда так і не выйшла з адпачынку. У красавіку афіцыйна стала вядома, што «Граніт» не згуляе ў Першай лізе[1], а неўзабаве клуб пацвердзіў удзел у Другой лізе ў сезоне 2021[2]. Склад каманды ўтварылі мясцовыя, пераважна маладыя ігракі.
У трэцім туры сезона 2021 клубу было залічана тэхнічнае паражэнне ў матчы з клубам «Лунінец», бо каманда не змагла прыбыць на гульню з-за адсутнасці сродкаў[3]. Па выніках сезонаў 2021 і 2022 «Граніт» апынаўся ў канцы табліцы Брэсцкай вобласці.
У пачатку 2023 года стала вядома, што каманда пераходзіць на баланс горада і змяняе назву на «Мікашэвічы»[4].
Эмблемы Правіць
- Гісторыя эмблем «Граніта»
-
да 2017 года
-
2017—2018 (неафіцыйны)
-
з 2018 года
Папярэднія назвы Правіць
- 1978—2005: «Граніт»
- 2006: «Мікашэвічы»
- 2007—2008: «Граніт-Мікашэвічы»
- 2009—2022: «Граніт»
- З 2023: «Мікашэвічы»
Дасягненні Правіць
- Найлепшае дасягненне ў Вышэйшай лізе — 5 месца (2015)
- Пераможца Першай лігі чэмпіянату Беларусі: 2014
- Чвэрцьфіналіст Кубка Беларусі: 2008/09, 2014/15
Статыстыка выступленняў Правіць
Чэмпіянат і Кубак Беларусі Правіць
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1994/1995 | Трэцяя — А (Д3) | 3 | 22 | 13 | 6 | 3 | 37–15 | 32 | ||
| 1995 | Трэцяя — А (Д3) | 5 | 10 | 4 | 0 | 6 | 13–16 | 12 | 1/16 фіналу | |
| 1996 | Трэцяя — А (Д3) | 6 | 28 | 14 | 4 | 10 | 52–36 | 46 | ||
| 1997 | Трэцяя — Б (Д3) | 5 | 28 | 15 | 3 | 10 | 45–37 | 48 | Змена назваў ліг | |
| 1998 | Другая — Б (Д3) | 1 | 30 | 23 | 5 | 2 | 89–13 | 74 |  Выхад у Першую лігу
| |
| 1999 | Першая (Д2) | 5 | 30 | 15 | 9 | 6 | 47–25 | 54 | 1/8 фіналу | |
| 2000 | Першая (Д2) | 5 | 30 | 15 | 4 | 11 | 46–40 | 49 | 1/8 фіналу | |
| 2001 | Першая (Д2) | 6 | 28 | 13 | 5 | 10 | 47–26 | 29 | 1/16 фіналу | |
| 2002 | Першая (Д2) | 5 | 30 | 16 | 9 | 5 | 37–22 | 57 | 1/16 фіналу | |
| 2003 | Першая (Д2) | 5 | 30 | 14 | 9 | 7 | 34–27 | 51 | 1/8 фіналу | |
| 2004 | Першая (Д2) | 4 | 30 | 12 | 10 | 8 | 31–22 | 46 | 1/16 фіналу | |
| 2005 | Першая (Д2) | 6 | 30 | 13 | 7 | 10 | 39–35 | 46 | 1/32 фіналу | |
| 2006 | Першая (Д2) | 5 | 26 | 12 | 4 | 10 | 38–33 | 40 | 1/16 фіналу | |
| 2007 | Першая (Д2) | 2 | 26 | 16 | 4 | 6 | 39–22 | 52 | 1/32 фіналу | Выхад у Вышэйшую лігу
|
| 2008 | Вышэйшая (Д1) | 10 | 30 | 8 | 12 | 10 | 35–34 | 36 | Чвэрцьфінал | |
| 2009 | Вышэйшая (Д1) | 13 | 26 | 6 | 7 | 13 | 27–39 | 25 | 1/8 фіналу |  Вылет у Першую лігу
|
| 2010 | Першая (Д2) | 4 | 30 | 16 | 8 | 6 | 52–23 | 56 | 1/16 фіналу | |
| 2011 | Першая (Д2) | 8 | 30 | 11 | 10 | 9 | 38–35 | 43 | 1/16 фіналу | |
| 2012 | Першая (Д2) | 6 | 28 | 14 | 8 | 6 | 41–23 | 58 | 1/16 фіналу | |
| 2013 | Першая (Д2) | 7 | 30 | 12 | 9 | 9 | 42–31 | 45 | 1/8 фіналу | |
| 2014 | Першая (Д2) | 1 | 30 | 19 | 7 | 4 | 46–16 | 64 | Чвэрцьфінал | Выхад у Вышэйшую лігу
|
| 2015 | Вышэйшая (Д1) | 5 | 26 | 12 | 6 | 8 | 30–32 | 42 | 1/8 фіналу | |
| 2016 | Вышэйшая (Д1) | 16 | 30 | 5 | 10 | 15 | 20–56 | 25 | 1/16 фіналу | Вылет у Першую лігу
|
| 2017 | Першая (Д2) | 8 | 30 | 14 | 4 | 12 | 42–37 | 401 | 1/16 фіналу | |
| 2018 | Першая (Д2) | 8 | 28 | 8 | 11 | 9 | 28–34 | 342 | 1/32 фіналу | |
| 2019 | Першая (Д2) | 9 | 28 | 9 | 8 | 11 | 38–41 | 35 | 1/16 фіналу | |
| 2020 | Першая (Д2) | 13 | 26 | 4 | 5 | 17 | 21–52 | 17 | 1/16 фіналу | Пераход у Другую лігу |
| 2021 | Другая — Брэсцкі дывізіён — Усход (Д3) | 7 | 14 | 2 | 1 | 11 | 22–57 | 7 | 1/128 фіналу | |
| Другая — Брэсцкі дывізіён — Стыкавыя матчы (Д3) | 14 | 2 | 0 | 0 | 2 | 0–6 | ||||
| 2022 | Другая — Брэсцкі дывізіён — Усход (Д3) | 7 | 12 | 1 | 0 | 11 | 14–62 | 3 | 1/128 фіналу | |
| 2023 | Другая — Брэсцкі дывізіён — Усход (Д3) | 1/256 фіналу |
- 1 З каманды зняты 6 ачкоў за сістэматычнае невыкананне рашэнняў Камітэта па статусу і пераходам ігракоў АБФФ.
- 2 З каманды знята 1 ачко за сістэматычнае невыкананне рашэнняў Камітэта па статусу і пераходам ігракоў АБФФ.
Галоўныя трэнеры Правіць
- Валерый Бахно (2003 — ліпень 2018)
- Алег Сідарэнкаў (ліпень — снежань 2018)
- Мікалай Бранфілаў (студзень — чэрвень 2019)
- Аляксандр Вопсеў (в.а. у чэрвені — ліпені 2019)
- Валерый Бахно (ліпень — жнівень 2019)
- Аляксандр Вопсеў (в.а. у жніўні — верасні 2019; верасень — снежань 2019)
- Алег Кароль (студзень — снежань 2020)
- Аляксандр Самусевіч (з красавіка 2021)
Зноскі
- ↑ Прощай, "Гранит", или Такой маленькой первая лига не была никогда!
- ↑ Футбол. Андрей Бохно: Ковальчук и Вергейчик сказали, что "Гранит" нужен и что традиции надо сохранить(недаступная спасылка). Архівавана з першакрыніцы 2 чэрвеня 2021. Праверана 30 мая 2021.
- ↑ Вторая лига. "Гранит" из Микашевичей не смог приехать в Лунинец (руск.). Football.by (5 чэрвеня 2021). Праверана 6 чэрвеня 2021.
- ↑ Плюс "Волат", "Торпеда", "Ореса", "Ошмяны" и компания. Минус Кировск, Ветка и "Узда". Все команды второй лиги (руск.). football.by (29 сакавіка 2023). Праверана 18 красавіка 2023.
Спасылкі Правіць
- Афіцыйны сайт Архівавана 18 ліпеня 2015. (руск.)
- Профіль на сайце weltfussballarchiv.com (англ.)
- Профіль на сайце wildstat.ru (руск.)
- Профіль на сайце teams.by (руск.)