Валянцін Генрыхавіч Мазец

Валянцін Генрыхавіч Мазе́ц (6 верасня 1965, в. Станелевічы, Зэльвенскі раён, Гродзенская вобласць) — беларускі гісторык. Кандыдат гістарычных навук (1995).

Валянцін Генрыхавіч Мазец
Дата нараджэння	6 верасня 1965(1965-09-06) (58 гадоў)
Месца нараджэння	Станелевічы, Крамяніцкі сельсавет, Ваўкавыскі раён, Гродзенская вобласць, БССР, СССР
Род дзейнасці	гісторык, выкладчык універсітэта
Навуковая сфера	гісторыя
Месца працы	Інстытут гісторыі НАНБ Беларускі гуманітарны ліцэй імя Якуба Коласа
Навуковая ступень	кандыдат гістарычных навук
Альма-матар	БДУ

Біяграфічныя звесткі

Нарадзіўся 6 верасня 1965 года ў в. Станелевічы Зэльвенскага раёна Гродзенскай вобласці.

Скончыў БДУ (1989). 3 1992 годзе — у Інстытуце гісторыі Нацыянальнай акадэміі навук Беларусі. Даследуе праблемы нацыянальна-дзяржаўнага будаўніцтва, пытанні развіцця культуры і міжнацыянальных адносін. Складальнік (з І. М. Кузняцовым) зборніка «Гісторыя Беларусі ў дакументах і матэрыялах» (2000).

Выбраная бібліяграфія

• За сваё, кроўнае // Маладосць. 1994. № 5.
• Беларускі нацыянальны рух ад снежня 1917 да лютага 1918 // Гуманітарныя і сацыяльныя навукі на зыходзе XX ст. Мн., 1998.
• М. В. Доўнар-Запольскі і БНР // Даследчык гісторыі трох народаў: М. В. Доўнар-Запольскі. Гомель, 2000.
• Беларускі студэнцкі саюз як фактар нацыянальна-культурнага жыцця моладзі Заходняй Беларусі // Праблемы ўз’яднання Заходняй Беларусі з БССР: Гісторыя і сучаснасць: Матэрыялы Міжнар. навук.-тэарэт. канф. Мн., 2000.
• Да пытання фарміравання беларускай нацыянальнай ідэі ў Другой Рэчы Паспалітай (1921—1939 гг.) // XX стагоддзе ў гісторыі палякаў і беларусаў: Матэрыялы беларуска-польскай навуковай канферэнцыі. Мн., 2001.
• «Мы мабілізуем свае сілы і … тут выкуем дзяржаўную волю свайго народа» // Беларусь у XX ст. Мн., 2002. Вып. 1; Грамадзянства і межы БНР // Бел. гіст. зб. Беласток, 2001. № 15.
• Беларуская Народная Рэспубліка — крок да незалежнасці: да 100-годдзя абвяшчэння: гіст. нарыс [у суаўтарстве]. Мн.: Бел. навука, 2018.