Варшаўская кінашколапольская прыватная вышэйшая навучальная ўстанова з сядзібай ў Варшаве.

Варшаўская кінашкола
Warszawska Szkoła Filmowa
Арыгінальная назва Warszawska Szkoła Filmowa
Міжнародная назва Warsaw Film School
Заснаваны 2004
Студэнты 500
Размяшчэнне Варшава
Сайт szkolafilmowa.pl

Агульная характарыстыкаПравіць

Варшаўская кінашкола была створана ў 2004 годзе рэжысёрам, сцэнарыстам і прадзюсарам Мацеем Селязіцкім і акцёрам Багуславам Ліндай. У цяперашні час школа ўяўляе сабой адзіны ў Польшчы комплекс кінашкол, у рамках якога ажыццяўляюцца праграмы бакалаўрыяту і магістратуры, аспірантуры, розныя курсы і дзве агульнаадукацыйныя школы з профілям па кінематаграфіі і стварэнню відэагульняў. У кампусе таксама працуе рэвіталізаваны студыйны кінатэатр.

Вучэльня прапануе ўсебаковаю адукацыю, навучае ў галіне кінематографа, сцэнарыстыкі, рэжысуры, акцёрскага майстэрства, вытворчасці кінафільмаў, мантажу, фатаграфіі, тэлебачання, гуказапісу і стварэння відэагульняў. Таксама праводзяцца англамоўныя міжнародныя праграмы, якія аб'ядноўваюць студэнтаў з усяго свету.

Кінашкола размешчана на варшаўскім Жалібожы. Сэрцам кампуса з'яўляецца унікальны калішні прамысловы будынак, у якім знаходзіцца большасць аўдыторый і службовых памяшканняў, акцёрскія студыі, студыі гуказапісу, постпрадакшн, склад абсталявання і шматлікія лекцыйныя залы. Унутры кампуса таксама знаходзіцца будынак кінатэатра, дзе праводзяцца паказы фільмаў, акцёрскія заняткі, майстар-класы і шматлікія дадатковыя культурныя ініцыятывы. На тэрыторыі таксама працуе кафэ.

Напрамкі навучанняПравіць

  • Рэжысура
  • Кінавытворчасць
  • Акторская справа ў новых медыя
  • Стварэнне відэагульняў
  • Стварэнне гуку: фільм, тэлебачанне, гульні
  • Арганізацыя вытворчасці ў кінематографе і тэлебачанні
  • Мантаж
  • Практычнае фільмазнаўства
  • Фатаграфія
  • Рэжысёрска-аператарскія курсы
  • Курсы мантажу
  • Вакальна-акторскія курсы

СпасылкіПравіць