Везувій (італ.: Vesuvio, лац.: Vesuvius) — дзеючы вулкан на поўдні Італіі у рэгіёне Кампанія непадалёку ад Неапаля. Вышыня — 1281 метраў (1944). Адзін з трох дзеючых вулканаў Італіі, адзіны дзеючы вулкан на ўласна Еўрапейскім кантыненце. Вядомы тым, што пры вывяржэнні 79 г. былі знішчаны рымскія гарады Пампеі і Геркуланум. Лічыцца адным з самых небяспечных вулканаў свету.

Везувій
італ.: Vesuvio
англ.: Monte Vesuvio
Неапаль і Везувій
Неапаль і Везувій
Краіна
Форма вулканастратавулкан 
Апошняе вывяржэнне1944 
Вышыня вяршыні1281 м 
Везувій (Італія)
Везувій
Лагатып Вікісховішча Медыяфайлы на Вікісховішчы

У кратары і на свежых лававых патоках час ад часу вырываюцца вадзяныя пары і газы тэмпературай да 400 °C. Лава і туфы у працэсе вывятрэння стварылі ўрадлівыя глебы схілаў Везувія. На ніжняй частцы схілаў знаходзяцца фруктовыя сады і вінаграднікі, прыблізна да вышыні 800 метраў — сасновы гай.

Першае дакументальна зафіксаванае вывяржэнне вулкана адбылося 24 жніўня ў 79 годзе н. э.

Авелінскае вывяржэнне каля 1740 года да н.э правіць

Шэраг новых археалагічных знаходак на сённяшні дзень несумненна сцвярджае факт існавання Авелінскага вывяржэння Везувія. Яно адбылося прыкладна ў 1740 годзе да н.э (± 150 гадоў), і праходзіла ў паўночна-заходнім кірунку праз сённяшнія мястэчкі Авеліна Avellino, Нола Nola і вёску Сан Паола Бел Сіта San Paolo Bel Sito. Наваколле Авеліна у адлегласці 35 кіламетраў ад вулкана было пакрыта 50-сантыметравым слоем попелу. У непасрэднай блізасці вулкана таўшчыня слою попелу дасягала некалькіх метраў. У час закладкі фундаменту новага аўтабана каля Авеліна ў 1972 г. былі знойдзены прадметы керамікі бронзавага перыяду пад узніклымі ў выніку вывяржэння вулкана старымі слаямі попелу.

Іншыя звесткі правіць

На схілах Везувія Спартак нагалаву разбіў войска аднаго з легатаў прэтора Варынія, знішчыў войскі двух іншых легатаў, а пасля гэтага і войска самога прэтора ў час Трэцяй вайны рабоў.

Цікавыя факты правіць

У гонар вулкана названы мінерал везувіян.

Спасылкі правіць

  • Vesuvius (англ.)(недаступная спасылка). Global Volcanism Program. Архівавана з першакрыніцы 24 студзеня 2011. Праверана 24.09.2009.
  • Vesuvius (англ.)(недаступная спасылка). Encyclopædia Britannica Online. Архівавана з першакрыніцы 28 верасня 2011. Праверана 24.09.2009.
  • Osservatorio Vesuviano(недаступная спасылка). Istituto Nazionale di Geofisica e Vulcanologia. Архівавана з першакрыніцы 2 верасня 2011. Праверана 25.09.2009. (італ.) (англ.)
  • Parco Nazionale del Vesuvio(недаступная спасылка). Архівавана з першакрыніцы 25 жніўня 2011. Праверана 21.05.2010. (італ.) (англ.)
  • Нацыянальны Парк Везувія(недаступная спасылка). Архівавана з першакрыніцы 25 жніўня 2011. Праверана 21.05.2010. (руск.)