Войны Траяна з дакамі (101—102; 105—106) — серыя войнаў, якія вяліся напачатку II стагоддзі жыхарамі старажытнай Дакіі (Трансільванія, Валахія, Малдавія і Бесарабія) з рымлянамі. Заваяваныя Рымам дакі, паўстаўшы, выбралі правадыром Дэцэбала. У 100 годзе рымскі імператар Траян распачаў паход у Дакію, разбіў Дэцэбала пры горадзе Тапы (у Валахіі) і, прымусіўшы яго да міру, вярнуўся ў Рым. Але Дэцэбал пачаў дзейна рыхтавацца да працягу барацьбы, набываючы зброю і шукаючы саюзнікаў. З прычыны гэтага ў 101 годзе Траян распачаў другі паход у Дакію. Ваенныя дзеянні набылі зацяжны характар (102—104 гады). Падчас гэтай вайны Траян пабудаваў праз Дунай каменны мост, прыкрыты на абодвух берагах моцнымі перадмаставымі умацаваннямі; рэшткі гэтага «Траянава моста» дагэтуль яшчэ захаваліся ў рэчышчы Дуная ў Малой Валахіі. У 103 годзе рымляне перайшлі раку па гэтым мосце і авалодалі галоўным горадам Сармізегетузай, а ў 104 годзе занялі большую частку Дакіі; Дэцэбал скончыў жыццё самагубстам, а Дакія ў 105 годзе была ператворана ў рымскую правінцыю. У часы кіравання імператара Комада дакі зноў паўсталі, але легаты Албан і Нігер прымусілі іх скарыцца (182). У 271 годзе Дакію заваявалі готы, якім імператар Аўрэліян і саступіў гэту правінцыю.
| Войны Траяна з Дакамі |
|---|
| Дата |
101—102 і 105—106 |
| Месца |
Дакія |
| Вынік |
Перамога рымлян |
| Змены |
Дакія далучана да Рымскай імперыі |
| Праціўнікі |
|
|
| Камандуючыя |
|
|
| Сілы бакоў |
| каля 160,000 у першай вайне - больш за 250,000 у другой вайне
|
каля 70,000 у першай вайне - 100,000 у другой вайне
| |
| Страты |
| Большасць дакійскіх салдатаў загінула;
дзясяткі тысяч дакаў прададзена ў рабства
|
невялікія
| |
|
 Медыяфайлы на Вікісховішчы |
Медыяфайлы на Вікісховішчы
