Вуліца Кісялёва (Гомель)

Вуліца Кісялёва — вуліца ў Чыгуначным раёне Гомеля, размешчана на поўдзень ад чыгуначнага вакзала і ідзе паралельна да чыгуначных пуцей. Пачынаецца ад Прывакзальнай плошчы.

Кісялёва вуліца Гомель
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Чыгуначны
Працягласць	600 м 593 ± 1 м
Медыяфайлы на Вікісховішчы

Цікавыя факты

Вуліца пачала фармавацца з канца XIX стагоддзя. Наўсцяж будучай вуліцы размяшчаліся розныя службовыя пабудовы чыгуначнага вакзала. У 1920-я гады ў пачатку вуліцы пабудаваны Палац культуры імя У. І. Леніна.

У 1977 годзе вуліца названа ў гонар Р. Я. Кісялёва, намесніка Старшыні Савета Міністраў БССР (1968—1970).

У 1990 годзе быў пабудаваны новы пешаходны мост цераз чыгунку (па іншы бок маста — вуліца Украінская).

Будынкі

• Будынак чыгуначнага вучылішча (вул. Кісялёва, 2) — пабудаваны ў пачатку XX стагоддзя архітэктарам С. Шабунеўскім у стыле мадэрн. У наш час у ім знаходзіцца «Дарожны цэнтр па падрыхтоўцы, перападрыхтоўцы і павышэнню кваліфікацыі кадраў» Беларускай чыгункі.

Страчанныя будынкі

• Будынак кінатэатра «Ілюзіён» (перабудаваныя прыгарадныя касы пачатку XX стагоддзя).

Меркаванні

• У некаторых гомельскіх гісторыкаў ёсць меркаванне, што з 1949 года вуліца Кісялёва насіла назву Юбілейная.

Літаратура

• Рогалеў А. Ф. Гомель. Старонкі старажытнай гісторыі, фарміраванне вуліц, мясцовыя тайны і загадкі. — Гомель: Барк, 2014.
• Гомель. Энцыклапедычны даведнік. Даведачнае выданне. — Мінск: Беларуская савецкая энцыклапедыя імя Пятруся Броўкі, 1991. — 528 с.