Вуліца Розы Люксембург (Мінск)
Вуліца Розы Люксембург (да 1922 года - вуліца Мацвееўская) — вуліца ў Маскоўскім раёне Мінска, названая ў гонар нямецкай дзяячкі сацыял-дэмакратычнага руху і фемінізму Розы Люксембург. Па назве гэтай вуліцы ўвесь мікрараён на поўнач ад праспекта Дзяржынскага неафіцыйна называецца «Ро́зачка»[1] (афіцыйнай назвы ён не мае).
| Розы Люксембург Мінск | |
|---|---|
_%E2%80%94_%D0%92%D1%83%D0%BB%D1%96%D1%86%D0%B0_%D0%A0%D0%BE%D0%B7%D1%8B_%D0%9B%D1%8E%D0%BA%D1%81%D0%B5%D0%BC%D0%B1%D1%83%D1%80%D0%B3_(%D0%9C%D1%96%D0%BD%D1%81%D0%BA,_%D0%91%D0%B5%D0%BB%D0%B0%D1%80%D1%83%D1%81%D1%8C)_%E2%80%94_%D0%A3%D0%BB%D0%B8%D1%86%D0%B0_%D0%A0%D0%BE%D0%B7%D1%8B_%D0%9B%D1%8E%D0%BA%D1%81%D0%B5%D0%BC%D0%B1%D1%83%D1%80%D0%B3_(%D0%9C%D0%B8%D0%BD%D1%81%D0%BA,_%D0%91%D0%B5%D0%BB%D0%B0%D1%80%D1%83%D1%81%D1%8C)_p02.jpg) | |
| Агульная інфармацыя | |
| Краіна | Беларусь |
| Горад | Мінск |
| Раён | Маскоўскі |
| Працягласць | 2 км |
| Найбліжэйшыя станцыі метро |
 Грушаўка |
| Тралейбусныя маршруты | 12 |
| Аўтобусныя маршруты | 49, 52 |
| Ранейшыя назвы | Мацвееўская |
| на OpenStreetMap | |
| на Яндэкс.Картах | |
| на Картах Google | |
 Медыяфайлы на Вікісховішчы | |
Размяшчэнне правіць
Да будаўніцтва праспекта Дзяржынскага ў 1970-я гады вуліца Розы Люксембург перасякалася з вуліцай Клары Цэткін, працягваючыся значна далей на ўсход. Зараз нумарацыя будынкаў пачынаецца з 80 дома па цотным баку і з 89 па няцотным. Вуліца пачынаецца з тупіку каля праспекта Дзяржынскага, перасякае вуліцы Каржа, Хмялеўскага, Лермантава, Шчорса, Фаніпальскую, Карпава і 3-і завулак Стасава. Завяршаецца вуліца скрыжаваннем з праспектам Жукава. У заходняй частцы вуліцы размешчаны сквер «Палянка».
Гісторыя правіць
Да 1922 года вуліца называлася Мацвееўскай, потым была перайменаваная ў гонар Розы Люксембург. У раёне пражывала шмат выхадцаў з Сілезіі. Большая частка забудовы вуліцы была драўлянай (адзінкавыя дамы захаваліся да цяперашняга часу), у 1950-я вуліцы Розы Люксембург, Карла Лібкнехта і суседнія пачалі забудоўвацца сілікатнымі і буйнаблочнымі будынкамі ад 2 да 5 паверхаў. У 1957 годзе на вуліцы была адкрыта 4-я гарадская клінічная бальніца; пасля на яе базе быў створаны РНПЦ «Кардыялогія». У пачатку XXI стагоддзя па няцотным баку вуліцы пабудавана некалькі шматпавярховых дамоў.
Грамадскі транспарт правіць
Па стане на травень 2022 года на вуліцы пралягаюць маршруты аўтобусаў 49, 52 і тралейбуса 12 (раней — тралейбусы 5, 11, 29а). У непасрэднай блізкасці ад вуліцы размяшчаюцца станцыя метро «Грушаўка» і шматлікія аўтобусныя і тралейбусныя маршруты, якія рухаюцца па праспекце Дзяржынскага.
Зноскі
Спасылкі правіць
На Вікісховішчы ёсць медыяфайлы па тэме Вуліца Розы Люксембург (Мінск)
