Вячаслаў Віктаравіч Калацэй

Вячаслаў Віктаравіч Калацэй
Вячаслаў Віктаравіч Калацэй
Дата нараджэння	1971
Месца нараджэння	Каменец, Камянецкі раён, Брэсцкая вобласць, БССР, СССР;
Род дзейнасці	культуролаг
Месца працы	Факультэт традыцыйнай беларускай культуры і сучаснага мастацтва БДУКМ; Ветах;
Навуковая ступень	кандыдат культуралогіі
Навуковае званне	дацэнт;
Альма-матар	Беларускі дзяржаўны ўніверсітэт культуры і мастацтваў; Акадэмія кіравання пры Прэзідэнце Рэспублікі Беларусь;
Узнагароды	Ганаровая грамата Міністэрства культуры Беларусі[d] (2017)

Вячаслаў Віктаравіч Калацэй (нар. 1971, г. Каменец Брэсцкай вобласці) — беларускі культуролаг. Кандыдат культуралогіі, дацэнт.

Біяграфія правіць

Скончыў Беларускі дзяржаўны ўніверсітэт культуры і мастацтваў. Атрымаўшы ступень бакалаўра мастацтваў скончыў кафедру народна-песеннай творчасці ўніверсітэта, аспірантуру БДУКМ, Акадэмію кіравання пры Прэзідэнце Рэспублікі Беларусь. Працаваў загадчыкам аддзела фальклору і народных рамёстваў Нацыянальнага цэнтра мастацкай творчасці дзяцей і моладзі Міністэрства адукацыі Рэспублікі Беларусь, выкладаў у БДУКМ, па запрашэнні тагачаснага рэктара Ядвігі Грыгаровіч быў першым дэканам факультэта традыцыйнай беларускай культуры і сучаснага мастацтва ўніверсітэта. Загадчык кафедры этналогіі і фальклору на гэтым факультэце, дацэнт. Выкладаў дысцыпліны «Этнаграфія, міфалогія і фальклор беларусаў», «Гісторыя фалькларыстыкі», «Клас фальклорнага выканальніцкага майстэрства».

У верасні 2021 года Вячаслаў Калацэй быў звольнены з універсітэта, а кафедра этналогіі і фальклору ліквідавана^[1].

Навуковая дзейнасць правіць

Даследуе традыцыйную культуру Еўропы, структуру мыслення і паводзін яе носьбітаў, тэорыю і практыку аховы гісторыка-культурнай спадчыны чалавецтва, займаецца аўдыявізуальнай антрапалогіяй.

Аўтар навуковай манаграфіі «Параўнальная міфалогія» (2009); удзельнік калектыўных манаграфій «Культурная спадчына: сацыялагічна-культуралагічныя даследаванні» (2001), «Штудыі Рэспубліканскай сезоннай фальклорнай школы» (2007), «У тэзаўрусе Беларусі» (2011); аўтар больш за 200 іншых публікацый па пытаннях традыцыйнай культуры. Аўтар сцэнарыя антрапалагічных фільмаў «Адраджэнне абрада Ваджэнне і пахаванне Стралы ў вёсках Стаўбун і Неглюбка» (2011); «Сонца — на лета, зіма — на мароз!» (2010).

Арганізатар першых Рэспубліканскіх змен этнакультурнага выхавання ў летніку «Зубраня» (2000); першых дударскіх этна-дыскатэк Беларусі (2001—2005); лідар-заснавальнік гурта дударскай музыкі і этнаспеваў «Ветах» (1997) — дыпламанта фестываляў Еўрапейскага вяшчальнага саюза («радыйнага» аналага «Еўрабачання») «EBU contemporary folk» у Харватыі, Гермніі і Швецыі (2010—2014). Пад яго кіраўніцтвам «Ветах» прадстаўляў фальклор Беларусі ў Палацы Нацый (Жэнева), штаб-кватэры Арганізацыі Аб’яднаных Нацый (2017).

Узнагароды правіць

Адзначаны Ганаровай граматай БДУКМ (2005), Ганаровай граматай Міністэрства культуры (2017).

Зноскі

↑ В университете культуры и искусств ликвидировали кафедру этнологии и фольклора. Заведующего уволили. (руск.) (3 верасня 2021). Праверана 3 верасня 2021.

Спасылкі правіць

Кафедра этналогіі і фальклору > Супрацоўнікі кафедры Архівавана 3 верасня 2021.

[1] В университете культуры и искусств ликвидировали кафедру этнологии и фольклора. Заведующего уволили. (руск.) (3 верасня 2021). Праверана 3 верасня 2021.

[1]