Вікенцій Іосіфавіч Драздовіч

Вікенцій Іосіфавіч Драздовіч (15 жніўня 1911, вёска Навасёлкі, Капыльскі раён — 3 снежня 1942) — удзельнік партызанскага руху ў Мінскай вобласці. Герой Савецкага Саюза (1965).

Вікенцій Іосіфавіч Драздовіч
Дата нараджэння	15 жніўня 1911(1911-08-15)
Месца нараджэння	Слуцкі павет, Мінская губерня, Расійская імперыя
Дата смерці	3 снежня 1942(1942-12-03) (31 год)
Месца смерці	Капыльскі раён, Мінская вобласць, БССР, СССР
Месца пахавання	Капыльскі раён
Грамадзянства	СССР
Бітвы/войны	Вялікая Айчынная вайна
Узнагароды і званні

Біяграфія

З жніўня 1941 года ствараў падпольныя арганізацыі ў Капыльскім раёне. З ліпеня 1942 года камандзір узвода атрада імя Катоўскага партызанскай брыгады імя Варашылава Мінскай вобласці. У час карнай экспедыцыі гітлераўцаў супраць партызан у Капыльскім раёне Драздовіч узначаліў партызанскую засаду каля вёскі Клецішча. 18 партызан на працягу 4 гадзін адбілі 8 атак германскага батальёна, сарвалі намер ворага нанесці раптоўны удар па партызанскай брыгадзе, аднак былі акружаны і ўсе загінулі ў няроўным баі. Яго імем названа вуліца ў горадзе Капыль, у цэнтры саўгаса «Лясное» Капыльскага раёна пастаўлены помнік.

Літаратура

• Беларусь у Вялікай Айчыннай вайне, 1941-1945: Энцыклапедыя .- Мн.:БелСЭ, 1990. - с.198-199.