Віктар Афанасьевіч Ракаў

Віктар Афанасьевіч Ракаў (22 студзеня 1935, Целяшы, Слаўгарадскі раён — 2000) — беларускі паэт.

Віктар Афанасьевіч Ракаў
Асабістыя звесткі
Дата нараджэння	22 студзеня 1935(1935-01-22)
Месца нараджэння	Целяшы, Гіжэнскі сельсавет, Прапойскі раён, Магілёўская вобласць, БССР, СССР
Дата смерці	10 чэрвеня 2000(2000-06-10) (65 гадоў)
Альма-матар	МДУ імя А. А. Куляшова
Прафесійная дзейнасць
Род дзейнасці	паэт
Мова твораў	беларуская

Біяграфія

Нарадзіўся ў сялянскай сям'і. Скончыў Целяшоўскую СШ (1953), фізіка-матэматычны факультэт Магілёўскага педінстытута (1958), Мінскую вышэйшую партыйную школу (1971). Настаўнічаў у Целяшоўскай (1958—1960), Рэчкаўскай (1960—1965) сярэдніх школах на Магілёўшчыне. Працаваў карэспандэнтам-арганізатарам Магілёўскага раённага радыёвяшчання (1965), загадчыкам сельскагаспадарчага аддзела шклоўскай раённай газеты «Ударны фронт» (1965—1969), літсупрацоўнікам газеты «Звязда» (1969—1975), рэдактарам аддзела публіцыстыкі часопіса «Полымя» (1975—1982). У 1982-? гг. адказны сакратар часопіса «Полымя». Член Саюза пісьменнікаў Беларусі з 1979 г. Узнагароджаны Граматай Вярхоўнага Савета БССР.

Творчасць

Літаратурнай дзейнасцю пачаў займацца ў студэнцкія гады. Першы верш надрукаваў у газеце «Магілёўская праўда». Паэзія В. Ракава прысвечана вёсцы, бацькоўскай зямлі, сялянскай працы (зборнікі «Вернасць», «Акно ў зялёны сад»). Пісаў пра пераемнасць пакаленняў («Пазыўныя», «Песня і памяць», «І сноп, і птах, і я»), пра гераізм нашых людзей у гады Вялікай Айчыннай вайны, захапляўся прыгажосцю прыроды, кахання. Тэма любві да Радзімы, сыноўняй вернасці Магілёўшчыне, Прысожжу. Пісаў таксама нарысы, крытычныя артыкулы, рэцэнзіі.

Літаратура

• Ракаў В. А.//Беларуская энцыклапедыя: у 18 т.: т. 13: Праміле-Рэлаксін / Гал. рэд.: Г. П. Пашкоў. — Мн., 2001. — С. 279.
• Ракаў В. А.//Энцыклапедыя літаратуры і мастацтва Беларусі: у 5 т. т. 4. Накцюрн-Скамскі / Рэд. кал.: І. П. Шамякін (гал. рэд.) і інш. — Мн., 1986. — С. 481.
• Савік, Л. С. Ракаў Віктар // Беларускія пісьменнікі: Біябібліягр. слоўн. У 6 т. Т. 5. Пестрак — Сяўрук / Б 43 Ін-т літ. імя Я. Купалы АН Беларусі; Беларус. Энцыкл.; Нацыянальны навукова-асветны цэнтр імя Ф. Скарыны. Пад рэд. А. В. Мальдзіса; Рэдкал.: І. Э. Багдановіч і інш. — Мн.: БелЭн, 1995. — С. 132. — 480 с. — ISBN 5-85700-168-4

Спасылкі

• [https://web.archive.org/web/20190303145049/http://old.nlb.by/html/news2005/rakov/rakov.html Архівавана 3 сакавіка 2019. Ракаў Вiктар Афанасьевiч] на сайце Нацыянальнай бібліятэкі Беларусі
• Ракаў Віктар Афанасьевіч Архівавана 19 снежня 2018.