Віцебскія дываны
ААТ «Віцебскія дываны» (руск.: ОАО «Витебские ковры») — прадпрыемства Беларусі па вытворчасці дываноў.
| Віцебскія дываны | |
|---|---|
| Заснаванне | 1947 |
| Прадукцыя | ватын |
| Колькасць супрацоўнікаў |
|
| Даччыныя кампаніі | Дываны Брэста[d][2] |
| Сайт | vitcarpet.com |
Гісторыя правіць
У 1947 годзе ў Віцебску распачаў працу дывановы камбінат (да 1956 года — дыванова-плюшавы камбінат[3]), створаны на базе заснаванай у 1898 годзе бельгійскімі акцыянерамі Віцебскай льнопрадзільнай фабрыкі «Дзвіна»[4]. Для стварэння камбіната выкарыстоўвалася абсталяванне, атрыманае па рэпарацыях з Германіі. У жніўня 1947 года камбінат выпусціў першую прадукцыю, у лістападзе запушчана ў эксплуатацыю першая чарга камбіната (27 плюшавых і 73 дыванова-ткацкіх станка). У 1949—1953, 1956—1957 і 1965—1991 гадах камбінат падпарадкоўваўся Міністэрству лёгкай прамысловасці БССР. У 1957 годзе праведзена рэканструкцыя прадпрыемства, станкі для набіваных дываноў былі заменены на дыванова-ткацкія аксмінстэрскія станкі. У 1968 годзе дывановы камбінат перайменаваны ў гонар 50-годдзя БССР[3]. У 1970 годзе да камбіната была далучана фабрыка нятканых матэрыялаў, заснаваная ў 1947 годзе[4]. У 1978 годзе на камбінаце была ўведзена ў эксплуатацыю фабрыка прашыўных дывановых вырабаў[4]. У 1980 годзе камбінат ператвораны ў вытворчае дывановае аб’яднанне імя 50-годдзя БССР[3][4]. З 1992 года — у канцэрне «Беллегпрам». У лютым 1994 года камбінат ператвораны ў ААТ «Віцебскія дываны»[3]. У 2000—2010-я гады камбінат абнаўляў парк станкоў, усталёўваючы новае аўстрыйскае, бельгійскае і нямецкае абсталяванне.
У лютым 2020 года ААТ «Віцебскія дываны» набылі маёмасць «Дываны Брэста» па выніках аўкцыёна прыкладна за Br7,2 млн. У красавіку таго ж года быў заснаваны філіял «Брэсцкія дываны» ААТ «Віцебскія дываны»[5].
Зноскі
- ↑ http://www.bellegprom.by/upload/memorandum/2019/mem_vit_kovry_2019.pdf
- ↑ https://blr.belta.by/economics/view/vitsebskija-dyvany-buduts-naroshchvats-prodazhy-praz-setkavy-gandal-93586-2020/
- ↑ а б в г Открытое акционерное общество «Витебские ковры» (ОАО «Витебские ковры») (руск.). Архивы Беларуси. Праверана 10 лістапада 2020.
- ↑ а б в г Федарук, А. А., Цыбульскі, М. Л. Віцебскія дываны // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 233—234. — 10 000 экз. — ISBN 985-11-0035-8. — ISBN 985-11-0090-0 (т. 4).
- ↑ «Витебские ковры» в 2021 году планируют производить до 1 млн кв.м. продукции (руск.). Витебский Курьер (10 лістапада 2020). Праверана 10 лістапада 2020.