Ганаровы крыж ветэрана вайны

Ганаровы крыж ветэрана вайны (ням.: Ehrenkreuz für Frontkämpfer) — бронзавы памятны знак удзельнікаў і ахвяр Першай сусветнай вайны.

Ганаровы крыж ветэрана вайны
Арыгінальная назва	ням.: Ehrenkreuz des Weltkrieges
Дэвіз	Ehrenkreuz für Frontkämpfer
Краіна	Трэці рэйх
Тып	Крыж
Каму ўручаецца	ваеннаслужачым розных родаў войскаў
Падставы ўзнагароджання	узнагароджваліся ваеннаслужачыя, якія ваявалі на фронце або прымалі ўдзел у вайне.
Дата заснавання	13 ліпеня 1934
Статус	не ўручаецца
Статыстыка ўзнагароджанняў
Колькасць	8 041 394
Медыяфайлы на Вікісховішчы

Гісторыя

У ліпені 1934 года ўрад Германіі па ініцыятыве рэйхспрэзідэнта Паўля фон Гіндэнбурга заснавала ганаровы крыж, як ордэн для былых франтавікоў, удзельнікаў і сваякоў загінулых у Першай сусветнай вайне. Устаноўчая грамата была падпісана рэйхспрэзідэнтам 13 ліпеня 1934 года, а праз два дні была афіцыйна апублікавана. Ганаровы крыж існаваў у трох варыянтах:

• Ганаровы крыж з мячамі — для былых франтавікоў
• Ганаровы крыж без мячоў — для ўдзельнікаў вайны
• Ганаровы крыж без мячоў — для ўдоў і бацькоў загінулых, зніклых без весткі або памерлых ад ран ці ў палоне ўдзельнікаў вайны

Права на атрыманне ордэна мелі ўсе былыя салдаты, якія ваявалі на фронце або бралі ўдзел у вайне, а таксама тыя, чые мужы, бацькі ці сыны загінулі на вайне. Узнагароджанне ордэнам патрабавала падачы хадайніцтва і адбывалася асабіста ці па пошце.

Апісанне

Ордэн уяўляе сабой бронзавы крыж памерам 37x37 мм. Ён меў 2,8-мм аблямоўку па краях крыжа і вушкай на верхнім прамяні. На пярэднім боку намаляваны звернуты ўгару лаўровы вянок са стужкай, якая займае частку ніжняга прамяня. Унутры вянка адзін пад іншым запісаны гады «1914» і «1918», а пад сам крыж знізу падкладзены два мячы.

У ганаровым крыжы для ўдзельнікаў вайны адсутнічаюць мячы, якія пазначаюць удзел у баявых дзеяннях, а замест лаўровага намаляваны дубовы вянок. Ганаровы крыж для сваякоў загінулых на вайне такой жа формы, аднак пакрыты чорным лакам і ўручаўся на іншай ордэнскай стужцы (з адваротным парадкам чорных і белых палос).

Статыстыка ўзнагароджанняў

• 6 202 883 крыжамі былі ўзнагароджаны франтавікі (ваявалі)
• 1 120 449 крыжамі былі ўзнагароджаны ўдзельнікі вайны (не ваявалі)
• 345 112 крыжоў былі ўручаны ўдовам
• 372 950 крыжоў былі ўручаны бацькам загінулых

Сярод усіх узнагароджаных былі:

• Герман Герынг, быў узнагароджаны 1 верасня 1934 г.
• Адольф Гітлер, быў узнагароджаны 4 верасня 1934 г.

• Ганаровых крыжоў 1-й ступені: 6 250 000
• Ганаровых крыжоў 2-й ступені: 1 200 000
• Ганаровых крыжоў 3-й ступені: 720 000

Спасылкі

• На Вікісховішчы ёсць медыяфайлы па тэме Ганаровы крыж ветэрана вайны