Геаграфія Ліхтэнштэйна
Ліхтэнштэйн размешчаны ў Верхняй рэйнскай даліне Еўрапейскіх Альпаў і мяжуе на ўсходзе з Аўстрыяй і на захадзе са Швейцарыяй, яго тэрыторыя цалкам акружана тэрыторыямі гэтых дзяржаў. Нараўне з Узбекістанам Ліхтэнштайн з’яўляецца адной з дзвюх краін свету, шлях ад якіх да акіяну пралягае праз тэрыторыю не менш чым дзвюх дзяржаў. Усю заходнюю мяжу краіны фарміруе рака Рэйн. Працягласць краіны з поўначы на поўдзень каля 24 км. На крайнім поўдні размешчаны найвышэйшы пункт Ліхтэнштэйна — гара Граўшпіц (2 599 м). Іншыя горы: Штахлеркопф. Нягледзячы на альпійскае размяшчэнне краіны, перавага паўднёвых вятроў робіць клімат Ліхтэнштэйна параўнальна мяккім. Зімой горныя схілы выдатна падыходзяць для розных зімовых відаў спорту. Дзякуючы новай вымяральнай сістэме ў 2006 г. высветлілася, што плошча краіны — 160 км², а працягласць мяжы — 77.9 км. Такім чынам, аказалася, што даўжыня ліхтэнштэйнскіх межаў на 1.9 км большая, чым раней лічылася.
Клімат умераны, ападкаў 700—1200 мм у год. Каля чвэрці тэрыторыі пакрыта лясамі (елка, бук, дуб); у гарах — субальпійскія і альпійскія лугі.
У Ліхтэнштэйне толькі адно возера, якое называецца Гампрынер-Зеле.
Статыстыка правіць
Размеркаванне зямельных рэсурсаў (па звестках на 1993 г.):