Георгій Валкавыцкі

Георгій Валкавыцкі (13 сакавіка 1923, Белавежа — 7 красавіка 2013, Беласток; Псеўданімы: Юрка Зубрыцкі; Сідар Макацёр) — беларускі паэт і пісьменнік.

Георгій Валкавыцкі
Асабістыя звесткі
Дата нараджэння	13 сакавіка 1923(1923-03-13)
Месца нараджэння	Белавежа, Бельскі павет, Беластоцкае ваяводства, Польская Рэспубліка
Дата смерці	7 красавіка 2013(2013-04-07) (90 гадоў)
Месца смерці	Беласток, Падляскае ваяводства, Польшча
Альма-матар	Літаратурны інстытут імя А. М. Горкага
Месца працы	Ніва
Прафесійная дзейнасць
Род дзейнасці	паэт, пісьменнік
Мова твораў	беларуская
Грамадская дзейнасць
Член у	Беларускае літаратурнае аб’яднанне «Белавежа»

Біяграфічныя звесткі

Скончыў сямігодку і рамесную школу, працаваў лесніком, рабочым, слесарам. Скончыў Літаратурны інстытут (Масква, 1954). Заснавальнік і рэдактар (1956—1987) «Нівы». Быў членам Беларускага літаратурнага аб'яднання «Белавежа», рэдагаваў «Беларускія календары» і літаратурныя выданні «белавежцаў». З 1987 г. на пенсіі. Жыў у Беластоку і Белавежы.

Творчасць

Дэбютаваў у друку ў 1948 годзе. Аўтар зборніка лірыкі «Рознагоддзе» (Беласток, 1989) і кніжкі сатырычных вершаў «Макатразмы» (Беласток, 1997), а таксама празаічных кніг «Віры. Нататкі рэдактара» (Беласток, 1991), «Белая вязь» (Беласток, 1998), «У каменным крузе» (Беласток, 2000), «Ашчэпкі» (Беласток, 2002).

Літаратура

• Біяграфічныя даведкі // Панароўе. Анталогія апавядання / Уклад. Г. Валкавыцкі, Бібліятэка БЛА «Белавежа». — Беласток, 2003. — 162 с.

Спасылкі

• Запольская Я. Не стала выбітнага беларуса Георгія Валкавыцкага(недаступная спасылка) — Беларускае Радыё Рацыя