Герб Мазыра

Герб Мазыра́ — афіцыйны геральдычны сімвал Мазыра. Герб зарэгістраваны ў Гербавым матрыкуле Рэспублікі Беларусь 18 мая 2001 г. пад № 61.


Сучасны герб Мазыра (злева) і гістарычны (справа)

Афіцыйнае апісанне:

У сінім полі барочнага шчыта ўзлятае чорны арол з залатымі дзюбай, языком і лапамі.

Арыгінальны тэкст (руск.)

В синем поле барочного щита взлетает чёрный орёл с золотыми клювом, языком и лапами.

Герб Мазыра мае даўнюю гісторыю ўжывання (з некаторымі зменамі) і адносіцца да гісторыка-геральдычных помнікаў Беларусі.

Гісторыя правіць

Герб Мазыра з прывілея 1680 года на пацвярджэнне Магдэбургскага права.

Расійскі герб Мазыра

Герб быў нададзены гораду разам з Магдэбургскім правам вялікім князем літоўскім Стэфанам Баторыем 28 студзеня 1577: «у блакітным полі чорны аднагаловы арол з сярэбраным шыльдам на грудзях; на шыльдзе — чырвоная літара S»^[1] (манаграма Стэфана Баторыя^[2]).

Вытрымка з адпаведнага велікакняжацкага прывілея:

Надаем тому месту нашему печать месткую, то есть Орел з Сэм в нем вырысованым... которую урад месткий на судах и иных справах и потребах местких печатовать и того гербу ужывать мают вечные часы

10 верасня 1609 сярэбраны шыльд з літарай «S» замянілі на пусты чырвоны^[1]. У XVII ст. пэўны час на шыльдзе быў герб «Трубы» Радзівілаў^[2].

У час расійскага панавання імператрыца Кацярына II 22 студзеня 1796 даравала Мазыру новы герб, створаны на аснове папярэдняга.

У сучаснай Беларусі 22 лютага 1994 статус афіцыйнага геральдычнага сімвала Мазыра атрымаў варыянт гарадскога герба без шыльда^[3].

Зноскі правіць

↑ ^а ^б Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5. С. 72—73.
↑ ^а ^б Мазыр // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 258. — 792 с. — ISBN 985-11-0378-0 (т. 2), ISBN 985-11-0315-2.
↑ Решение сессии Мозырского городского Совета депутатов от 22 февраля 1994 г. № 80.

Літаратура правіць

Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5.

Спасылкі правіць

На Вікісховішчы ёсць медыяфайлы па тэме Герб Мазыра
Герб города Мозыря // «Геральдика Беларуси» (руск.)

[hbm-1] а ^б Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5. С. 72—73.

[evkl-2] а ^б Мазыр // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 258. — 792 с. — ISBN 985-11-0378-0 (т. 2), ISBN 985-11-0315-2.

[3] Решение сессии Мозырского городского Совета депутатов от 22 февраля 1994 г. № 80.

[1]

[2]

[3]