Сісак

Сісак (харв.: Sisak, ням.: Sissek, венг.: Sziszek, італ.: Siscia) — горад у цэнтральнай частцы Харватыі.

Размешчаны ў 57 км на паўднёвы ўсход ад сталіцы краіны - Заграба на месцы зліцця рэк Одра, Купа і Сава.

Насельніцтва 36.785 чал. (2001). Сісак - адміністрацыйны цэнтр жупаніі Сісак-Маславіна.

Агульная інфармацыя

Горад размешчаны на аўтатрасе Заграб - Сісак - Петрын'я і на чыгунцы Заграб - Сісак - Сун'я. Звязаны рэгулярным аўтобусным і чыгуначным транспартам з найбуйнейшымі гарадамі Харватыі.

Сісак - найбуйнейшы ў Харватыі рачны порт, пачынаючы ад яго Сава становіцца суднаходнай, і караблі па ёй дасягаюць Дуная.

У горадзе размешчаны прадпрыемствы металургіі, лёгкай, харчовай і хімічнай прамысловасці, суднабудавання.

Сісак - горад-курорт з вялікай колькасцю мінеральных крыніц з тэмпературай ад 42 да 54 °C. Недалёка ад горада ўздоўж левага берага ракі Сава размяшчаецца прыродны парк Лоньска поле (Lonjsko polje).