Трогір

Гістарычны горад Трогір – горад у Харватыі, знаходзіцца ў цэнтральнай частцы ўзбярэжжа Адрыятыкі, аб'ект са спісу Сусветнай спадчыны ЮНЕСКА.

Горад Трогір харв.: Trogir Герб Сцяг Краіна Харватыя Каардынаты 43°31′ пн. ш. 16°15′ у. д. Плошча 39,3 км² 11,6 км² Вышыня цэнтра 0 м Насельніцтва 10 907 чалавек Тэлефонны код 021 Паштовыя індэксы 21220 Афіцыйны сайт trogir.hr Трогір на карце Харватыі

Медыяфайлы на Вікісховішчы

Сусветная спадчына ЮНЕСКА, аб’ект № 810 рус. • англ. • фр.

Трогір – адзін з найпрыгажэйшых гарадоў харвацкага ўзбярэжжа ў 27 км на захад ад Спліта. Ён быў заснаваны старажытнымі грэкамі ў 3 ст. да н.э. на маленькім востраве, які зараз злучаны мастамі з мацерыком і з суседнім востравам Чыёва.

З часоў элінізму горад упрыгожваўся цудоўнымі грамадскімі і прыватнымі будынкамі, абарончымі збудаваннямі. Трогір знакаміты сваімі шматлікімі музеямі і царквамі. Адметныя рэнесансныя і барочныя будынкі дапаўняюць раманскія царквы. Рэшткі магутных крапасных сценаў (14-15 стст.) знаходзяцца ў Старым горадзе і на заходнім ускрайку вострава каля крэпасці Камерленга. Побач з Паўночнымі варотамі стаіць статуя нябеснага заступніка горада – Св. Івана Урсіні (16 ст.). На цэнтральнай плошчы Іаана Паўла II размешчаны кафедральны сабор Св. Лоўра (13-16 стст.) з яго разным парталам харвацкага майстра Радавана (1240 г.), будынак гарадской Ратушы эпохі Рэнесансу, раманская царква Св. Іаана Хрысціцеля, неагатычны палац Чыпіка. На набярэжнай Берыславіча стаіць гатычная царква дамініканцаў (14 ст.) з цудоўнымі барочнымі алтарамі.

Панарама Трогіра.

Літаратура

• Тысяча чудес света. — СПб: ООО «СЗКЭО», 2007. — 336 с.