Гімназія № 36 (Мінск)
Гімназія № 36 — сярэдняя навучальная ўстанова ў Цэнтральным раёне Мінска.
| Гімназія № 36 | |
|---|---|
| Ранейшыя назвы | Школа № 166 |
| Заснавана | 1984 год |
| Дырэктар | Аляксей Алегавіч Мацкевіч (на 2020 год) |
| Тып | гімназія |
| Адрас |
 Беларусь, г. Мінск, вул. Чэхава, 8 |
| Сайт | gymn36.minsk.edu.by |
Мінуўшчына правіць
1 верасня 1984 года была адкрытая школа № 166. У тым жа годзе хутка ў школы з’явілася бібліятэка. Першы выпуск вучняў адбыўся ў 1986 годзе.
З 1997 года па 2007 год школа стала Республіканскай інавацыйнай пляцоўкай Міністэрства адукацыі Рэспублікі Беларусі: школа ўдзельнічала ў эксперыменце ўсталявання 12-гадовай мадэлі агульнаадукацыйнай сярэдняй школы і ва ўсталяванні 10-бальнай сістэмы адзнакі вучняў.
У 1998 годзе прысвоены статус школы з паглыбленым вывучэннем англійскай мовы і ліцэйскімі класамі, статус школы высокай санітарна-гігіенічнай культуры.
У 2001 годзе адбылася эксперыментальная праверка комплекснага выкарыстання інфармацыйных тэхналогій у арганізацыі навучальнага працэсу і кіраўніцкай дзейнасці.
У 2003 годзе ў школе прайшоў семінар-практыкум для кіраўнікоў адміністрацый горада Мінска «Комплексная інфарматызацыя сістэмы адукацыі Цэнтральнага раёна».
1 верасня 2011 года школа № 166 у выніку атэстацыі і акрэдытацыі атрымлівае статус гімназіі.
З 2013 года ў першую суботу кастрычніка праводзіцца Дзень пасвячэння ў гімназісты.
4 снежня 2015 года ў гімназіі прайшла дабрачынная акцыя «Спорт для ўсіх»[1] або таксама «Спартсмены — дзецям»[2].
Бібліятэка правіць
Гімназісцкая бібліятэка існуе з 1984 года. Станам на 2020 год, агульны фонд бібліятэкі складае больш за 42 702 паасобнікаў, З іх навучальны фонд — 24 472 паасобнікі, Фонд літаратуры — 18 230 паасобнікаў. Бібліятэка штогод атрымлівае больш за 45 перыядычных выданняў, у тым ліку 18 моладзевых.
Вучнёўскія гурткі правіць
1990—1991 гадах нараджаецца фальклорны ансамбль «Весялухi» пад кіраўніцтвам настаўніц Тамары Станіславаўны Макарэвіч, Наталлі Маркаўны Макарэвіч, Наталлі Міхайлаўны Каляды. Гурток удзельнічаў і перамагаў у тэлеконкурсах «Запрашаем на вячоркi», «Спадчына». У 1992 годзе ансамбль «Весялухi» стаў дыпламантам фальклорнага фестывалю ў Італіі.
1995—1996 гадах ствараецца ансамбль «Эўрыдыка» пад кіраўніцтвам І. А. Рукавіцынай.
2000—2001 гадах у школе з’явіляецца новая традыцыя — вясенні фестываль, агляд дзіцячай і юнацкай творчасці «Белая Русь».
З 2012 года дзейнічае тутэйшы клуб «Што? Дзе? Калі?».
Дырэктары правіць
- Анатолій Мікалаевіч Падароўскі (1984—1993)
- Сяргей Уладзіміравіч Велікароднаў (1993—2013)
- Андрэй Валер’евіч Стрыгельскі (2013—2018)
- Аляксей Алегавіч Мацкевіч (2018—дагэтуль)
Вядомыя выпускнікі правіць
- Зінаіда Купрыяновіч — спявачка, прадстаўніца Беларусі на міжнародным конкурсе «Еўрабачанне-2019».
Зноскі
Спасылкі правіць
- Гісторыі гімназіі Архівавана 6 ліпеня 2020.
- Пра бібліятэку Архівавана 7 ліпеня 2020.
- Вядомыя вучні гімназіі Архівавана 6 ліпеня 2020.