Гіпнум

Гі́пнум (Hypnum) — род імхоў сямейства гіпнавых.

Гіпнум
Гіпнум кіпарысападобны (Hypnum cupressiforme)
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Лістасцябловыя імхі Падклас:  Брыевыя імхі Надпарадак:  Hypnanae Парадак:  Гіпнавыя імхі Сямейства:  Гіпнавыя Род:  Гіпнум
Міжнародная навуковая назва
Hypnum Hedw.
Сістэматыка на Віківідах Выявы на Вікісховішчы ITIS   16300 NCBI   49761 EOL   53812 IPNI   ??? FW   179859

Апісанне

Адна- і двухдомныя, звычайна буйныя, радзей дробныя, меза- і ксерафільныя лістасцябловыя імхі. Дзярнінкі зялёныя ці жаўтавата-зялёныя, больш або менш шаўкавіста-бліскучыя. Сцябло ляжачае ці ўзнятае, 2—10 см даўжынёй, перыста-разгалінаванае, радзей простае, парасткі з кручкаватымі канцамі. Лісце серпападобнае, яйцападобна- або падоўжана-ланцэтнае. Спарагоны на бакавых галінках. Каробачка са спорамі на доўгай ножцы, падоўжана-эліпсападобная ці цыліндрычная. Перыстом двайны. Вечка з бародаўкай або дзюбкай.

Пашырэнне

Вядома звыш 60 відаў. Пашыраны пераважна ва ўмераных шыротах Паўночнага паўшар’я. На Беларусі найбольш часта ў лясах пры аснове дрэў, на гнілой драўніне, глебе, камянях расце гіпнум кіпарысападобны (Hypnum cupressiforme); радзей трапляюцца гіпнум бледнаваты (Hypnum pallescens), гіпнум пладучы (Hypnum fertile), гіпнум расстаўлены (Hypnum imponens).

Літаратура

• Рыкоўскі Г. Ф.. Гіпнум // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.