Джэймс Кабарэбэ

Джэймс Кабарэбэ (фр.: James Kabarebe; нар. 1959) — руандыйскі ваенны і палітычны дзеяч.

Джэймс Кабарэбэ
міністр абароны Руанды[d] 10 красавіка 2010 — 18 кастрычніка 2018
Папярэднік	Marcel Gatsinzi[d]
Пераемнік	Albert Murasira[d]
Нараджэнне	1959 Ruanda-Urundi[d], Belgian colonial empire[d], Бельгія
Партыя	Руандыйскі патрыятычны фронт
Адукацыя	Універсітэт Макерэрэ
Дзейнасць	палітык, афіцэр
Званне	генерал
Сайт	jameskabarebe.com
Медыяфайлы на Вікісховішчы

Біяграфія

Дзяцінства правёў ва Угандзе ў статусе бежанца.

Падчас грамадзянскай вайны ў Руандзе змагаўся на баку РПФ. Быў ад’ютантам лідара паўстанцаў Поля Кагамэ.

З пачаткам Першай кангалезскай вайны далучыўся да групоўкі «Альянс дэмакратычных сіл за вызваленне Конга». Пасля перамогі апазіцыі ўзначаліў штаб Узброеных сіл ДР Конга. Паралельна з’яўляўся настаўнікам Жазефа Кабілы, сына тагачаснага прэзідэнта ДРК Ларана Кабілы, які пасля забойства бацькі зойме яго пасаду.

Напярэдадні Другой кангалезскай Кабарэбэ звольнены з пасады начальніка штаба. У дадзеным канфлікце быў адным з камандуючых руандыйскіх войск у ДРК. У прыватнасці, у жніўні 1998 года ўзначаліў аперацыю «Кітана» па ўварванню ў суседнюю краіну і падтрымцы ўзброенай апазіцыі. У 2002 годзе ўзначаліў штаб арміі Руанды.

У 2006 годзе меркавана дапамагаў у арганізацыі дзяржперавароту ў Бурундзі.

У красавіку 2010 года стаў міністрам абароны Руанды. Як кіраўнік ваеннага ведамства, паводле звестак ААН, Кабарэбэ падтрымліваў дзейнасць баевікоў у Паўночным Ківу. Пакінуў пасаду ў 2018 годзе.

У верасні 2023 года прызначаны міністрам рэгіянальнага супрацоўніцтва.