Ларан Кабіла

Ларан Кабіла
Ларан Кабіла
	фр.: Laurent-Désiré Kabila
прэзідэнт Дэмакратычнай Рэспублікі Конга[d]
	16 мая 1997 — 16 студзеня 2001
Папярэднік	Мабуту Сесэ Секо
Пераемнік	Жазеф Кабіла
Нараджэнне	27 лістапада 1939; Moba[d], Moba Territory[d], Правінцыя Танганьіка, ДРК або ; Лікасі, Правінцыя Катанга, ДРК;
Смерць	не раней за 16 студзеня 2001; Кіншаса, Правінцыя Кіншаса, ДРК;
Месца пахавання	Кіншаса;
Жонка	Sifa Mahanya[d]
Дзеці	Жазеф Кабіла, Aimée Kabila Mulengela[d], Jaynet Kabila[d] і Zoé Kabila[d]
Веравызнанне	англіканства
Партыя	Альянс дэмакратычных сіл за вызваленне Конга (1998); Parti de la révolution du peuple[d] (1996); беспартыйны;
Адукацыя	Універсітэт Дар-эс-Салама; Бялградскі ўніверсітэт; філасофскі факультэт Бялградскага ўніверсітэта[d];
Бітвы	Кангалезскі крызіс; Паўстанне Сімба; Першая кангалезская вайна; Другая кангалезская вайна;
Узнагароды
	Медыяфайлы на Вікісховішчы

Ларан-Дэзірэ Кабіла (фр.: Laurent-Désiré Kabila; 27 лістапада 1939 — 16 студзеня 2001) — прэзідэнт Дэмакратычнай Рэспублікі Конга. З’яўляўся паплечнікам Патрыса Лумумбы і быў асабіста знаёмы з Чэ Геварай. У 1967 годзе заснаваў Народную рэвалюцыйную партыю і падняў паўстанне ў правінцыі Паўднёвае Ківу, дзе ўтварылася самаабвешчаная дзяржава, якая праіснавала да 1988 года. У 1996 годзе з дапамогай руандыйскіх тутсі ўзначаліў узброеную барацьбу супраць Мабуту Сесе Секо і захапіў уладу ў краіне.

Біяграфія

Нарадзіўся ў Джадатвілі (цяпер Лікасі), правінцыя Катанга. Этнічны банту. Належыць да народнасці луба як і яго бацька, маці — прадстаўніца народнасці лунда. Атрымаў адукацыю ў Францыі, дзе вывучаў палітычную філасофію, і ва Універсітэце Дар-эс-Салама^[4].

Падчас вучобы ў Францыі захапіўся марксісцкімі ідэямі. Пасля вывучаў марксісцка-ленінскае вучэнне ў Нанкіне (Кітай) і ў Албаніі^[5].

Пасля атрымання Конга незалежнасці ў 1960 годзе Кабіла стаў намеснікам камандуючага моладзевым крылом арганізацыі «Балукат» (асацыяцыя племя балуба ў Катанзе), актыўна ваяваў супраць катангскіх войск Маіза Чомбэ. Тады Кабіла падтрымліваў лумумбістаў, якія абвясцілі ў Стэнлівілі Народную Рэспубліку Конга.

У 1965 годзе супрацоўнічаў з Чэ Геварай, які прыехаў у Конга з прыкладна сотняй сваіх байцоў з намерам зладзіць рэвалюцыю па кубінскім узоры.

У 1967 годзе разам са сваімі байцамі стаў грунтавацца ў горным раёне правінцыі Паўднёвае Ківу, на захад ад возера Танганьіка. Там заснавана Народна-рэвалюцыйная партыя, а затым пры падтрымцы КНР узнікла самаабвешчаная марксісцкая дзяржава.

Да канца 1970-х гадоў палітык істотна разбагацеў, абзавёўся ўласнымі асабнякамі за мяжой.

У кастрычніку 1996 года Кабіла на чале племя тутсі пачаў вайну супраць племя хуту, паклаўшы пачатак Першай кангалезскай вайне. Пры падтрымцы Бурундзі, Уганды і Руанды ён у маі 1997 года зрынуў дыктатара Мабуту і абвясціў сябе прэзідэнтам.

У 1998 годзе былыя саюзнікі Кабілы — Уганда і Руанда — выступілі супраць яго і падтрымалі новае паўстанне. Пачалася маштабная Другая кангалезская вайна. Кабіла знайшоў новых саюзнікаў у асобе Зімбабвэ, Намібіі і Анголы і з дапамогай іх войскаў утрымаў за сабой паўднёвую і заходнюю часткі краіны.

16 студзеня 2001 года прэзідэнт атрымаў агнястрэльнае раненне пры не зусім ясных абставінах (па афіцыйнай версіі — падчас спробы дзяржаўнага перавароту) і быў дастаўлены на самалёце ў Зімбабвэ, дзе праз два дні было абвешчана аб яго смерці^[6]. Наступным кіраўніком дзяржавы стаў яго 29-гадовы сын Жазеф Кабіла.

Заўвагі

↑ Laurent Désiré Kabila // Proleksis enciklopedija, Opća i nacionalna enciklopedija — 2009.
<a href="https://wikidata.org/wiki/Track:Q3407324"></a>
↑ Mzee Laurent-Desire Kabila // Munzinger Personen Праверана 9 кастрычніка 2017.
<a href="https://wikidata.org/wiki/Track:Q107343683"></a>
↑ English Wikipedia community Wikipedia — 2001.
<a href="https://wikidata.org/wiki/Track:Q328"></a><a href="https://wikidata.org/wiki/Track:Q112669601"></a>
↑ Laurent-Desire Kabila Biography (нявызн.). Архівавана з першакрыніцы 25 красавіка 2013. Праверана 4 жніўня 2008.
↑ Пуля охранника для Кабилы (нявызн.). Архівавана з першакрыніцы 21 мая 2014. Праверана 4 жніўня 2008.
↑ Политическое тело: как превратить смерть правителя в объект манипуляций (нявызн.). Архівавана з першакрыніцы 2 верасня 2016. Праверана 2 верасня 2016.

Літаратура

Ngolet François. Crisis in the Congo: The Rise and Fall of Laurent Kabila : [англ.]. — illustrated ediction. — N. Y. : Palgrave Macmillan, 2010. — 14 December. — 314 p. — ISBN 9780230116252. — OCLC 711702585.
Nzongola-Ntalaja Georges. The Congo from Leopold to Kabila: a people’s history : [англ.]. — 3-st edition, inprinted. — L.; N. Y. : Zed Books[en]*, 2002. — 264 p. — ISBN 9781842770535.

Спасылкі

Президент из племени Луба Архівавана 21 мая 2014.

[_f32afe0ffce3a50f-1] Laurent Désiré Kabila // Proleksis enciklopedija, Opća i nacionalna enciklopedija — 2009.
<a href="https://wikidata.org/wiki/Track:Q3407324"></a>

[_652c7a3d4f68d61d-2] Mzee Laurent-Desire Kabila // Munzinger Personen Праверана 9 кастрычніка 2017.
<a href="https://wikidata.org/wiki/Track:Q107343683"></a>

[_8f2911f567920b43-3] English Wikipedia community Wikipedia — 2001.
<a href="https://wikidata.org/wiki/Track:Q328"></a><a href="https://wikidata.org/wiki/Track:Q112669601"></a>

[4] Laurent-Desire Kabila Biography (нявызн.). Архівавана з першакрыніцы 25 красавіка 2013. Праверана 4 жніўня 2008.

[5] Пуля охранника для Кабилы (нявызн.). Архівавана з першакрыніцы 21 мая 2014. Праверана 4 жніўня 2008.

[6] Политическое тело: как превратить смерть правителя в объект манипуляций (нявызн.). Архівавана з першакрыніцы 2 верасня 2016. Праверана 2 верасня 2016.

[1]

[2]

[3]

[4]

[5]

[6]