Дзяржаўны савет Грэцыі

Дзяржаўны савет Грэцыі (грэч. Συμβούλιο της Επικρατείας) — адначасова адміністрацыйны орган і Вярхоўны адміністрацыйны суд Грэцыі. Такім чынам, яго роля дваістая. Дзяржаўны савет Грэцыі — член Асацыяцыі Дзяржаўных саветаў і Вярхоўных судоў адміністрацыйнай юрысдыкцыі Еўрасаюза, а таксама Міжнароднай асацыяцыі Вярхоўных судоў адміністрацыйнай юрысдыкцыі. Дзяржаўны савет размяшчаецца ў будынку Арсакіёна ў цэнтры Афін.

Дзяржаўны савет Грэцыі
Συμβούλιο της Επικρατείας
Від адміністрацыйны суд
Інстанцыя суд вышэйшай інстанцыі
Юрысдыкцыя Сцяг Грэцыі Грэцыя
Дата заснавання 1929
Мовы справаводства грэчаская
Склад прызначаецца Вышэйшым судовым саветам, старшыня і намеснікі прызначаюцца Кабінетам міністраў з ліку членаў савета
Тэрмін службы у старшыні і намеснікаў — 4 гады
Членаў 170
Кіраўніцтва
Старшыня Панаётыс Пікраменас
Уступіў на пасаду 1 ліпеня 2009 года
Зала пасяджэнняў
Будынак Дзяржаўнага савета Грэцыі — Арсакіян
Месцазнаходжанне Афіны
Адрас вуліца Панепістыміу 47-49[1]
Сайт
http://www.ste.gr (грэч.)

Склад правіць

Дзяржаўны савет узначальвае яе старшыня, які абіраецца з ліку членаў Савета ад Кабінету міністраў Грэцыі тэрмінам на чатыры гады. Суд складаецца са Старшыні Савета, 10 намеснікаў, 53 членаў (суддзяў), 56 асацыяваных саветнікаў (выкладчыкаў права) і 50 памочнікаў суддзяў[2], усе яны павінны быць выпускнікамі Нацыянальнай школы суддзяў.

Юрысдыкцыя правіць

Дзяржаўны савет у Грэцыі ажыццяўляе сваю юрысдыкцыю праз Пленарныя пасяджэнні або ў шасці прававых палатах (Α, Β, Γ, Δ, Ε і ΣΤ). Кожная з палат можа складацца з пяці або сямі членаў. Юрысдыкцыя пленарных пасяджэнняў вызначаецца законам (Заканадаўчы дэкрэт 170/1973, артыкул 14), у той час як кампэтэнцыя палат вызначаецца законам і прэзідэнцкімі ўказамі, прапанаванымі міністрам юстыцыі пасля разгляду Савета.

Да кампэтэнцыі Дзяржаўнага савета адносіцца, у прыватнасці, наступнае:

  • Адмена нарматыўных актаў і пастаноў адміністрацыйных органаў улады з прычыны парушэння імі закону або перавышэння ўладных паўнамоцтваў;
  • Перагляд пастаноў ніжэйшых па ўзроўню адміністрацыйных судоў;
  • Разгляд адміністрацыйных рознагалоссяў істотнага парадку паміж дзяржаўнымі органамі.

Пасля ўнясення канстытуцыйнай папраўкі 2001 года пленарнае пасяджэнне (а не палаты) - адзіны кампэтэнтны судовы орган, які можа вызначаць пытанне пра законнасць прынятых выканаўчымі органамі ўлады адміністрацыйных актаў. Пленарнае пасяджэнне таксама кампэтэнтна разглядаць хадайніцтвы ў выпадках:

  1. Прадстаўляюць агульны інтарэс, калі прэзідэнт краіны непасрэдна звяртаецца да Савета;
  2. Калі адна з палат звяртаецца да Савета. Палаты могуць накіроўваць найбольш важныя справы ў пленарнай сесіі, калі вынесенае адміністрацыйным органам пастанова прынята з перавышэннем улады або з парушэннем закону.

Зноскі

Спасылкі правіць