Другі ліст да Цімафея Святога Апостала Паўла
Другі́ ліст да Цімафе́я Свято́га Апо́стала Па́ўла[1], Другі́ ліст да Цімафе́я[2], Друго́е пасла́ньне да Цімафе́я[3] — адзін з лістоў апостала Паўла, які ўвайшоў у спіс кніг Новага Запавета. Знаходзіцца пасля першага ліста да Цімафея перад лістом да Ціта.
| Другі ліст да Цімафея Святога Апостала Паўла | |
|---|---|
|
| |
| Ілюстрацыя да 2-га ліста да Цімафея, Томас Маклін, 1789 | |
| Раздзел: | Новы Запавет |
| Вікікрыніцы: |  Другое Пасланьне да Цімахве́я сьв. ап. Паўлы
Тэкст на Вікікрыніцах |
 Медыяфайлы на Вікісховішчы
| |
Змест ліста
правіцьГэта самы апошні ліст апостала, ён напісаны з няволі. Апостал быў паўторна арыштаваны, магчыма, ў гэтым удзельнічаў нейкі каваль Аляксандр, які потым выступіў сведкай абвінавачвання. Пасля першай частцы працэса зыход для Паўла быў добрым, аднак апостал прадчувае, што час ягонага жыцця на зыходзе і ён атрымае смяротны прысуд.
Таму гэты ліст можна разглядаць як духоўнае завяшчанне Паўла. Апостал не толькі настаўляе Цімафея, але просіць, замаўляе і моліць, разумеючы, што пасля смерці Паўла Цімафею прыйдзецца працаваць самастойна без падтрымкі і абароны Паўла. З усіх лістоў Паўла гэтае — самае цёплае, пяшчотнае і жалобнае. З яго можна даведацца, што большасць былых супрацоўнікаў пакінула Паўла, а некаторыя сталі адступнікамі. Нікто не рызыкнуў стаць на судзе ў якасці сведкаў абароны.
Павел завяшчае Цімафею быць мужным і стойкім, нястомна працаваць, беручы прыклад з Ісуса і самага Паўла. Хрысціянскага прапаведніка можна параўнаць як з воінам, так і з земляробам і атлетам. Ён павінен увесь час змагацца з ерасямі, якія пагражаюць знішчыць Царкву. Павел пастаўляе замест сабе Цімафея, дае яму настаўленні наконт яго працы. Апостал падводзіць рысу свайго жыцця і піша, што ён выканаў свой абавязак, як атлет на спаборніцтвах, ён прабяжаў забег даўжынёй у жыццё.
У заканчэнні ліста Павел паведамляе пра свае абставіны і просіць Цімафея хутчэй прыйсці да яго. Ліст поўны пэўных дэталей, імён, шмат болі і журботы і адначасова радасці.
Час і месца напісання
правіцьГэта самы апошні ліст з тых, што дайшлі да нас. Ён быў напісаны з Рыму, дзе Павел правёў апошнія дні свайго жыцця.
Структура ліста
правіцьЛіст падзелены на 4 раздзелы. Ён пачынаецца з пранікнёнай малітвы, у якой Павел заклікае Цімафея быць верным свайму Пану на прыкладзе Хрыста, Паўла і родных Цімафея. Апостал напамінае Цімафею пра неабходнасць супрацьстаяць ілжэвучэнням. Павел прадказвае Цімафею, што ў апошнія часы наступіць падзенне нораву, аднак, нягледзячы на поспех ілжэвучэнняў, іх чакае пагібель. Таму Цімафей павінен быць асабліва цвёрдым у вучэнні, якое ён атрымаў ад Паўла і якое згоднае са Святым Пісаннем, таму што яно з’яўляецца крыніцай праўды. Далей ідуць асабістыя настаўленні і просьбы, якія прадстаўляюць духоўнае завяшчанне Паўла, у якім ён падводзіць вынікі свайго жыцця і служэння.
Сціслы план ліста
правіць- Прывітанне (1:1-2)
- Падзякі і словы падбадзёрвання (1:3-2:13)
- Парады і засцярогі (3:1-4:5)
- Падзеі апошняга часу (4:6-18)
- Заключныя прывітанні (4:19-22)
Пераклады
правіць- Другое пасланьне да Цімафея у перакладзе Васіля Сёмухі
- Да Цімафея другое Пасланне святога Апостала Паўла ў перакладзе Біблейскай камісіі Беларускай праваслаўнай царквы
- Другое пасланне да Цімафея Секцыі па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі
- Другое пасланьне да Цімафея апостала Паўла ў перакладзе Антонія Бокуна
- Другі ліст сьвятога Паўлы апостала да Цімоха Архівавана 2 чэрвеня 2021. ў перакладзе Яна Станкевіча
- Другое пасланьне да Цімахвея сьв. ап. Паўлы Архівавана 2 чэрвеня 2021. ў перакладзе Лукаша Дзекуць-Малея і Антона Луцкевіча
- Другое пісьмо да Цімафея Архівавана 2 чэрвеня 2021. ў перакладзе Уладзіслава Чарняўскага
- 2 ліст да Тыматэя ў перакладзе П. С. Татарыновіча
- Другі ліст да Цімафея Святога Апостала Паўла ў перакладзе А. К. Клышкі
- 2-і ліст да Цімафея ў перакладзе Біблейскага таварыства ў Рэспубліцы Беларусь
- Другое Пасланьне Паўлы да Цімахвея ў перакладзе Э. К. Сабілы, С. А. Малахава
Зноскі
- ↑ Анатоль Клышка. Новы Запавет. — Мінск: Пазітыў-цэнтр, 2014. — 610 с. — 3 000 экз. — ISBN 978-985-6983-42-2.
- ↑ Уладзіслаў Чарняўскі. Біблія. Кнігі Святога Пісання Старога і Новага Запаветаў. — Мінск: Біблейскае таварыства ў Рэспубліцы Беларусь, 2012. — 1127 с. — 4 000 экз. — ISBN 978-985-6183-14-6.
- ↑ Васіль Сёмуха. Біблія. Кнігі Сьвятога Пісаньня Старога і Новага Запавету. Кананічныя. У беларускім перакладзе. — DUNCANVILLE, USA: WORLD WIDE PRINTING, 2002. — 1538 с. — 10 000 экз. — ISBN 1-58712-085-2.
Літаратура
правіць- Райт Н.Т. Павел. Пастырские Послания. I и II Послания к Тимофею и Послание к Титу: популярный комментарий. - М.: ББИ, 2008. - 168 с. ISBN 5-89647-193-9
- Библейские комментарии отцов Церкви и других авторов. Новый Завет. Т. IX.: Послания Колоссянам, Фессалоникийцам 1-е и 2-е, Тимофею 1-е и 2-е, Титу, Филимону. - М., 2006. - 480 с. ISBN 5-901494-10-5
- Джон Ф. Мак-Артур. Толкование книг Нового Завета. 2-е Послание к Тимофею. - Славянское Евангельское Общество, 2000. – 240 с. ISBN 1–56773–030–2