Жалезнякі (Віцебскі раён)

Жалезнякі
Краіна	Беларусь
Вобласць	Віцебская
Раён	Віцебскі
Сельсавет	Бабініцкі
Каардынаты	55°19′55″ пн. ш. 30°22′05″ у. д.HGЯO
Плошча	0,158043 км²
Насельніцтва	▼10 чал. (2009);
Часавы пояс	UTC+3
Тэлефонны код	+375 212
Аўтамабільны код	2
СААТА	2212806051

Жалезнякі́^[2] (трансліт.: Žaliezniaki, руск.: Железняки) — вёска ў Віцебскім раёне Віцебскай вобласці Беларусі. Уваходзіць у склад Бабініцкага сельсавета. Плошча 15,8043 га^[1]. За 12 км на паўночны ўсход ад Віцебска, 18,5 км ад чыгуначнай станцыі Віцебск.

Гісторыя правіць

У 2-й палове 18 стагоддзя прыватная ўласнасць каўшоўскага старосты Фларыяна Рагозы. У 1771 годзе тут існавала праваслаўная царква. Побач з вёскай праходзіў Астравенскі тракт, дзе размяшчалася карчма, якую разам з вадзяным млыном арандаваў астравенскі купец — плаціў за арэнду 160 злотых. Пасля 1-га падзелу Рэчы Паспалітай у складзе Расійскай імперыі, у Віцебскім павеце Пскоўскай, з 1776 года Полацкай губерні. З 1796 года ў Беларускай, з 1802 года ў Віцебскай губерні. З 19 стагоддзя вёска — казённая ўласнасць, у складзе казённага маёнтка Аўдзеевічы. У 1905 годзе вёска ў Бабініцкай воласці Віцебскага павета Віцебскай губерні, належала Аўдзеевіцкаму сельскагаспадарчаму таварыству. У сакавіку 1924 года вернута ў клад БССР. З 20 жніўня 1924 года ў Бабініцкім сельсавеце Віцебскага раёна Віцебскай акругі. У 1928 годзе ў вёсцы адкрыліся яслі. У маі 1931 года арганізаваны калгас, які аб'ядноўваў 38 двароў, 182 жыхары. У калгасе працавалі кузня, былі 2 фермы: малочнатаварная і буйной рагатай жывёлы, 2 паляводчыя, 1 жывёлагадоўчая брыгады. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да канца снежня 1943 года знаходзілася пад нацысцкай акупацыяй. Гітлераўцы знішчылі ў снежні 1942 года 31 двор і загубілі 2 мірных жыхароў. На франтах загінулі 4 вяскоўцы і 3 у партызанскай барацьбе. Вёска ў складзе КСУП «Падбярэззе».

Насельніцтва правіць

4 двары (1775)
10 двароў, 90 жыхароў (1905)
18 двароў, 111 жыхароў (1926)
31 двор, 135 жыхароў (1940)
11 гаспадарак, 11 жыхароў (1997)
7 гаспадарак, 9 жыхароў (2003)
20 гаспадарак, 37 жыхароў (2018)

Інфраструктуа правіць

Прафілакторый ААТ «Даламіт»

Зноскі

↑ ^а ^б Решение Витебского районного Совета депутатов 30 ноября 2017 г. № 175 «Об установлении границ сельских населенных пунктов Витебского района Витебской области и признании утратившими силу некоторых решений Витебского районного Совета депутатов» (руск.)
↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

Літаратура правіць

Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[Пл-1] а ^б Решение Витебского районного Совета депутатов 30 ноября 2017 г. № 175 «Об установлении границ сельских населенных пунктов Витебского района Витебской области и признании утратившими силу некоторых решений Витебского районного Совета депутатов» (руск.)

[2] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

[2]

[1]