Жлобінскі аквапарк
Жлобінскі аквапарк — спартыўна-забаўляльны комплекс у г. Жлобін. Заснаваны ў 2008 годзе (арх. В. М. Бяспалаў, У. Талочка, В. Яворская і інш.). Агульная плошча аквазоны складае 1500 м². Уваходзіць у склад Цэнтра алімпійскага рэзерву па хакеі з шайбай і плаванні.
![](http://upload.wikimedia.org/wikipedia/be/thumb/7/7b/%D0%86%D0%BD%D1%82%D1%8D%D1%80%27%D0%B5%D1%80_%D0%96%D0%BB%D0%BE%D0%B1%D1%96%D0%BD%D1%81%D0%BA%D0%B0%D0%B3%D0%B0_%D0%B0%D0%BA%D0%B2%D0%B0%D0%BF%D0%B0%D1%80%D0%BA%D1%83.jpg/220px-%D0%86%D0%BD%D1%82%D1%8D%D1%80%27%D0%B5%D1%80_%D0%96%D0%BB%D0%BE%D0%B1%D1%96%D0%BD%D1%81%D0%BA%D0%B0%D0%B3%D0%B0_%D0%B0%D0%BA%D0%B2%D0%B0%D0%BF%D0%B0%D1%80%D0%BA%D1%83.jpg)
Складаецца з 2 актыўных зон: забаўляльнай і зоны адпачынку. У першую ўваходзяць 2 басейны няправільнай формы (дзіцячы — памерам 12×8 м, дарослы — 30×16 м), вінтавая водная горка працягласцю 76 м, горная рака, гейзеры, гідрамасажныя і жамчужныя ванны, джакузі. Зона адпачынку прадстаўлена рускай, турэцкай і фінскай саунамі з джакузі, масажнымі кабінетамі, гарызантальнымі і вертыкальнымі салярыямі. На тэрыторыі Жлобінскага аквапарка размешчаны парыкмахерская, рускі більяр, кавярня, 5D-кінатэатр, камп'ютарная зала.
Прызёр рэспубліканскага турыстычнага конкурсу «Спазнай Беларусь» у намінацыі «Найлепшы турыстычны аб’ект» (2009).
Літаратура
правіць- Жлобинский аквапарк // Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2012. — Т. 3. Гомельская область. В 2 кн. Книга 1. Aбрамов — Липово. — 398 с. — 2 500 экз. — ISBN 978-985-11-0617-8.