Залізнычны раён (Львоў)

Залізнычны раён або Чыгуначны раён (укр.: Залізничний район, ад укр.: залізниця — чыгунка) — раён горада Львова, які ахоплівае заходнюю частку горада: мясцовасці Білагоршча, Лэвандзіўка, Рудна, Скнылівак, Сыгніўка, часткова Багданіўку і Клэпарыў.

Залізнычны раён
укр.: Залізничний район
Герб
Краіна	Украіна
Уваходзіць у	Львоўскі гарадскі савет
Уключае	пгт Рудна
Насельніцтва (2011)	126 000
Паштовыя індэксы	79022

Назва

Залізнычны раён разам з Шаўчэнкаўскім раёнам — адзін з двух раёнаў, назву якіх не мянялі з савецкіх часоў. Відавочна, яна звязаная з тым, што раён утвораны вакол разгалінаванай сеткі чыгункі — на яго тэрыторыі знаходзіцца галоўны чыгуначны вакзал Львова, а таксама шэраг невялікіх станцый. Акрамя таго, менавіта ў Залізнычным раёне, у асноўным на Лэвандзіўцы, традыцыйна пражываюць работнікі Львоўскай чыгункі, што было запачаткавана яшчэ ў часы актыўнага чыгуначнага будаўніцтва ў Аўстра-Венгрыі ў сярэдзіне і другой палове ХІХ ст.

Тэрыторыя

Раён ахоплівае значную частку Прывакзальнай — раёна забудовы канца XIX — пачатку ХХ ст., які ўтварыўся вакол галоўнага чыгуначнага вакзала Львова. Акрамя таго ў яго склад уваходзяць такія мясцовасці Львова як Лэвандзіўка, Білагоршча, Скнылівак, Сыгніўка а таксама часткова Багданіўка, Раснэ, часткова Клепарыў. У склад Зализничнага раёна таксама ўваходзіць пасёлак Рудна, які тэрытарыяльна аддзелены ад Львова палоскай земляў Пустамыціўскага раёна Львоўскай вобл.

Галоўнай вуліцай Залізнычнага раёна з’яўляецца частка вуліцы Гарадоцкай — ад царквы Святой Ганны да мяжы горада і Львоўскай кальцавой аўтадарогі. Мяжа раёна ўтворана вуліцамі Шаўчэнкі, якая аддзяляе яго ад Шаўчэнкаўскага раёна, і Кульпаркаўскай, якая аддзяляе яго ад Франкіўскага раёна. Таксама сярод важнейшых вуліц раёна вуліцы Шырокая, Паветраная, Сяйво, Лэвандзіўская (усе на Лэвандзіўцы), а таксама Любінская, Выгоўскага, Патона, Рашыўская. Што тычыцца апошняй, то яе плануецца падоўжыць ад вуліцы Патона да Навуковай.

Галерэя

• 
  Галоўны чыгуначны вакзал
• 
  Вул. Гарадоцкая
• 
  Вул. Любінская
• 
  Вул. Кульпаркаўская
• 
  Вул. Выгоўскага
• 
  Стары тэрмінал аэрапорта