Заходні рэзервовы ўніверсітэт імя Л. Кейса

Заходні рэзервовы ўніверсітэт імя Л. Кейса (англ.: Case Western Reserve University) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў горадзе Кліўленд у штаце Агая, ЗША.

Заходні рэзервовы ўніверсітэт імя Л. Кейса
англ.: Case Western Reserve University
Арыгінальная назва	англ.: Case Western Reserve University
Заснаваны	1826
Студэнты	9 963 і 11 465
Размяшчэнне	Кліўленд, Агая, ЗША
Сайт	case.edu
Медыяфайлы на Вікісховішчы

Агульная характарыстыка

Заходні рэзервовы ўніверсітэт імя Л. Кейса быў заснаваны ў 1967 годзе на базе Заходняго рэзервовага ўніверсітэта, які быў заснаваны ў 1826 годзе і названы так з-за свайго размяшчэння ў Заходнім рэзерве штата Канектыкут, і Тэхналагічнага інстытута імя Л. Кейса, які быў заснаваны ў 1880 годзе дзякуючы ахвяраванням Леанарда Кейса-малодшага. Універсітэт складаецца з 8 школ, якія прапануюць больш за 100 праграм бакалаўрыяту. Ён з'яўляецца сябрам Асацыяцыі амерыканскіх універсітэтаў і класіфікуецца як доктарскі ўніверсітэт з вельмі высокай даследчай актыўнасцю. Па дадзеных Нацыянальнага навуковага фонду ЗША, у 2019 годзе ўніверсітэт выдаткаваў на даследаванні і распрацоўкі 439 мільёнаў долараў, што паставіла яго на 20-е месца сярод прыватных ВНУ і 58-е сярод усіх ВНУ ў ЗША. 1 суддзя Вярхоўнага суда ЗША, 5 алімпійскіх чэмпіёнаў, 1 астранаўт NASA, 3 мільярдэры і 17 лаўрэатаў Нобелеўскай прэміі з'яўляюцца выпускнікамі ці выкладчыкамі ўніверсітэта.

Структура

• Каледж мастацтваў і навук
• Школа інжынерыі
• Школа медсястрынства
• Школа прыкладных сацыяльных навук
• Школа стаматалогіі
• Школа права
• Школа медыцыны
• Школа менеджменту

Гл. таксама

• Спіс універсітэтаў штата Агая

Спасылкі

• На Вікісховішчы ёсць медыяфайлы па тэме Заходні рэзервовы ўніверсітэт імя Л. Кейса
• Афіцыйная інтэрнэт-старонка ўстановы