Змоўкні!

«Змоўкні!» (фр.: Tais-toi!) — французскі камедыйны крымінальны фільм 2003 года рэжысёра Франсіса Вебера. Галоўныя ролі выканалі Жэрар Дэпардзьё і Жан Рэно.

Змоўкні!
фр.: Tais-toi !
Жанр	кінакамедыя, турэмны фільм[d] і баявік
Рэжысёр	Франсіс Вебер
Прадзюсар	Luigi De Laurentiis[d] Аўрэліа Дэ Лаўрэнціс[d] Filmauro[d] Saïd Ben Saïd[d] Gérard Gaultier[d]
Сцэнарыст	Франсіс Вебер
У галоўных ролях	Жэрар Дэпардзьё Жан Рэно Leonor Varela[d] Richard Berry[d] André Dussollier[d] Aurélien Recoing[d] Ticky Holgado[d] Jean-Pierre Malo[d] Laurent Gamelon[d] Jean-Michel Noirey[d] Armelle Deutsch[d] Edgar Givry[d] Мішэль Амон Johan Libéreau[d] Philippe Brigaud[d] Vincent Moscato[d] Valentin Merlet[d] Ludovic Berthillot[d] Thierry Nenez[d] Luq Hamet[d] Jean Dell[d] Rebecca Potok[d] Adrien Saint-Joré[d]
Аператар	Luciano Tovoli[d]
Кампазітар	Marco Prince[d]
Кінакампанія	UGC[d]
Працягласць	85 хв.
Бюджэт	27 440 000 €
Краіна	Францыя  Італія
Мова	французская
Год	2003 і 17 чэрвеня 2004
IMDb	ID 0310203

Сюжэт

Квенцін (Жэрар Дэпардзьё) — дзіўнаваты дробны крымінальнік, які робіць напады на пункты абмену валюты. Не маючы магчымасці атрымаць патрэбныя грошы ў адной з рабаваных ім касаў, ён просіць накіраваць яго ў найбліжэйшы банк, які можна абрабаваць. Калі паліцыя пачынае пагоню за злачынцам, Квенцін забягае ў кінатэатр, дзе паказваюць мультфільм «Ледніковы перыяд». Паліцэйскія яго з лёгкасцю затрымліваюць, бо замест таго, каб працягваць уцякаць, ён займае месца ў зале і з асалодай глядзіць мультфільм. Рубі (Жан Рэно), памочнік крымінальнага боса Фогеля (Жан-П’ер Малё), мае раман з жонкай свайго начальніка. Бос даведваецца пра здраду і забівае жонку. У помсту за смерць каханай Рубі крадзе ў свайго боса нарабаваныя ім грошы, аднак трапляе ў турму. Там Рубі адмаўляецца есці і гаварыць, што, аднак, не робіць ніякага ўражання на камісара Вернэ (Рышар Беры), які бачыць у гэтым хітрык Рубі.

Па прапанове камісара абодва злачынцы — Квенцін і Рубі — апынаюцца ў адной камеры, бо следчыя ведаюць, што невыносны экстраверт Квенцін іншых зняволеных даводзіў да шаленства. Нягледзячы на гаварлівасць Квенціна, Рубі працягвае маўчаць, і Квенцін пачынае лічыць яго сваім сябрам. Праз нейкі час Рубі робіць спробу самагубства, яго ратуюць і пераводзяць у лазарэт. Каб зноў аказацца побач з Рубі, Квенцін робіць тое ж самае.

Рубі ўдаецца падкупіць лекара, каб той дапамог яму ўцячы з турмы. Квенцін, аднак, зрывае планы Рубі і робіць уласную спробу ўцёкаў з дапамогай п’янага сябра-кранаўшчыка. Спроба аказваецца няўклюднай, тым не менш, у Рубі і Квенціна атрымоўваецца ўцячы ад паліцыі і людзей Фогеля. Апошнія некалькі разоў нападаюць на ўцекачоў, аднак, дзякуючы збегу абставін і недарэчным учынкам Квенціна, ім удаецца выслізнуць. Уцёкі з турмы ўдаліся, але цяпер Рубі не можа пазбавіцца ад Квенціна, і яны абодва праходзяць праз мноства прыгодаў, у тым ліку рабуюць краму карнавальных касцюмаў, абкрадаюць дом дрэсіроўшчыка поні, адымаюць адзенне ў двух дзёрзкіх хлапцоў, крадуць шэраг паліцэйскіх і грамадзянскіх аўтамабіляў. Пры спробе крадзяжу чарговай машыны ўцекачоў заўважаюць два паліцэйскія, і адзін з іх раніць Рубі.

Уцекачы знаходзяць прытулак у закінутай краме, дзе Квенцін марыць адчыніць разам з новым сябрам кавярню. Той з раздражненнем адмаўляецца, але пераканаць у нечым Квенціна немагчыма. У краме яны сустракаюць бяздомную жанчыну, падобную на былую жонку Фогеля. Рубі адчувае сімпатыю да яе і дае ёй грошы, Квенцін жа пачынае раўнаваць да сябра. Ён тэлефануе Фогелю і абяцае здаць яму Рубі. Тым не менш, гэта аказваецца чарговым хітрыкам. Узятых у палон Рубі і Квенціна дастаўляюць у маёнтак Фогеля, дзе Рубі (які на самай справе трымаў на мушцы сваіх ахоўнікаў) пачынае перастрэлку. У выніку Фогеля забіваюць, а Квенцін выглядае смяротна параненым. Рубі расчульваецца над Квенцінам, які перад смерцю марыць аб уласнай кавярні, сумеснай з Рубі. Аднак калі Квенцін чуе, што Рубі нарэшце згодны завесці з ім кавярню, — ён імгненна пачынае здаравець.

Акцёрскі склад

• Жэрар Дэпардзьё — Квенцін
• Жан Рэно — Рубі
• Рышар Беры — камісар Вернэ
• Жан-П’ер Малё — Фогель

Спасылкі

• Змоўкні! на сайце «Internet Movie Database» (англ.)