Зігенскі ўніверсітэт

Зігенскі ўніверсітэт (ням.: Universität Siegen) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Зіген.

Зігенскі ўніверсітэт
ням.: Universität Siegen
Арыгінальная назва	ням.: Universität Siegen
Міжнародная назва	англ.: University of Siegen
Заснаваны	1536
Год рэарганізацыі	1972
Студэнты	17 805
Краіна	Германія
Размяшчэнне	Зіген
Сайт	uni-siegen.de
Медыяфайлы на Вікісховішчы

Гісторыя

Вытокі ўстановы як цэнтра адукацыі і даследаванняў бярэ пачатак у XVI стагоддзі. У 1536 годзе Вільгельм I, граф Насау-Дыленбурга, даручыў саксонскаму асветніку і багаслову Эразму Сарцэрыю стварыць лацінскую школу. У перыяд з 1594 па 1600 гады і з 1606 па 1609 гады кальвінісцка-рэфарматарская акадэмія (лац.: Academia Nassauensis) пераехала з Херборна ў Зіген, дзе размясцілася ў будынках Ніжняга замку.

У 1853 годзе была створана школа азелянення, якая неўзабаве набыла вядомасць. Тут вучылі добраўпарадкаванню і дагляду зямлі, у тым ліку метадам арашэння і асушэння лугоў, каб спрыяць павышэнню ўраджайнасці. Пасля Другой сусветнай вайны школа пераключылася на грамадзянскае будаўніцтва, і ў 1962 годзе яна была перайменавана ў дзяржаўную будаўнічую школу.

Наступнай навучальнай установай, якая будзе створана ў Зігене, была Зігерландская педагагічная вышэйшая школа, створаная ў 1964 годзе. У 1965 годзе яна стала філіялам Вестфальска-Ліпенскай вышэйшай педагагічнай школы.

1 жніўня 1972 года ў Зігене быў створаны паўнавартасны ўніверсітэт разам з чатырма іншымі ўніверсітэтамі ў Паўночным Рэйне-Вестфаліі. Зігерландская педагагічная вышэйшая школа і Зігенска-Гумерсбахская вышэйшая школа аб’ядналіся і ўтварылі новы Зігенскі ўніверсітэт. Кампус у Гумерсбаху быў перададзены 1 чэрвеня 1983 года Кёльнскай вышэйшай тэхнічнай школе.

Факультэты

• Гуманітарных навук і мастацтваў
• Адукацыі, архітэктуры і мастацтваў
• Эканомікі
• Навук і тэхналогій

Спасылкі

• На Вікісховішчы ёсць медыяфайлы па тэме Зігенскі ўніверсітэт
• Афіцыйная інтэрнэт-старонка ўстановы