Казімір Крэйбіх
Казімір Крэйбіх (польск.: Kazimierz Kreybich) — дзеяч мясцовага кіравання ў Гродне, масон.
| Казімір Крэйбіх | |
|---|---|
| Месца пахавання | |
| Член у | |
Біяграфія правіць
Нарадзіўся ў сям’і купца-чэха Францішка Крэйбіха, які меў пасэсію ў Горадні. Бацька таксама ўдзельнічаў у паўстанні 1794 года.
У 1810 г. быў абраны прэзідэнтам Гродна, але праз нейкі час звольнены па хваробе. Меў добрую рэпутацыю: працавіты, дабрадзейны, адукаваны (ад’юнкт), здольны чыноўнік. У 1812 г. спачатку стаў інтэндантам паліцыі пры губернатары А. Ражнецкім, а потым па загаду Часовага ўрада ВКЛ ад 15 ліпеня прызначаны старшынёй паліцэйскага аддзела Гродзенскай адміністрацыйнай камісіі.
У 1817 г. — сябра Гродзенскага аддзялення Расійскага біблейскага таварыства. У 1819—1822 г. — прэзідэнт Гродзенскага гарадавога магістрата. У 1819 быў віцэ-прэзідэнтам Гродзенскага дабрачыннага таварыства.
Сябра масонскай ложы «Белага Арла» ў Пецярбургу, ложы «Сябры чалавецтва» ў Гродне, 2-і дазорца ў 1819—1821; масон 3-й ст. у 1819, 4-й ст. — у 1821. Яму гродзенскі губернатар М. Бутаўт-Андржэйкавіч даручыў у маі 1823 г. знайсці і спаліць масонскія дэкарацыі, якія не былі да гэтага часу знішчаны.
Пахаваны на фарных могілках у Гродне.
Літаратура правіць
- Швед, В. В. Крэйбіх (Крэбіх) Казімір Францішкавіч // Масоны і ложы на землях Беларусі (канец XVIII — першая чвэрць XIX ст.) : біябібліягр. слоўн.. — Гродна: ГрДУ, 2007. — 275 с. — ISBN 978-985-417-866-0.