Канбера

Канбера
Герб[d]	Сцяг
Краіна	Аўстралія
Статус	сталіца
Рэгіён	Аўстралійская сталічная тэрыторыя
Каардынаты	35°18′10″ пд. ш. 149°08′30″ у. д.HGЯO
Галоўны міністр	Джон Стэнхоўп
Заснаваны	12 сакавіка 1913
Плошча	805,6 км²
Вышыня цэнтра	888 м
Тып клімату	субтрапічны кантынентальны
Водныя аб’екты	Lake Burley Griffin[d]
Насельніцтва	▲452 670 чал. (10 жніўня 2021);
Шчыльнасць	427 чал./км²
Часавы пояс	UTC+10, летам UTC+11
Тэлефонны код	0251, 0252, 0261, 0262
Паштовыя індэксы	2600–2617
Афіцыйны сайт	act.gov.au (англ.)
	Медыяфайлы на Вікісховішчы

Ка́нбе́ра (англ.: Canberra) — сталіца Аўстраліі. З насельніцтвам, якое перавышае 334 тысячы чалавек, Канбера з’яўляецца найбуйнейшым горадам Аўстраліі, размешчаным усярэдзіне краіны, а не на ўзбярэжжы.

Геаграфія

Горад знаходзіцца ў паўночнай частцы Аўстралійскай сталічнай тэрыторыі за 280 км на паўднёвы захад ад Сіднея і за 650 км на паўночны ўсход ад Мельбурна.

Гісторыя

У 1908 годзе тэрыторыя сучаснай Канберы была абраная ў якасці будучай сталіцы Аўстралійскага Саюза, што стала кампрамісам паміж супернічыўшымі паміж сабой за гэты статус дзвюма найбуйнымі гарадамі краіны, Сіднеем і Мельбурнам. Пасля праведзенага міжнароднага конкурсу на лепшы дызайн у аснову будучага будаўніцтва, якое пачалося ў 1913 годзе, быў узяты план чыкагскіх архітэктараў Уолтэра Бёрлі Грыфіна і Марыёна Махоні Грыфіна. Для планіроўкі Канберы ўзялі канцэпцыю горада-сада, якая прадугледжвае шырокія зоны натуральнай расліннасці, з-за чаго аўстралійцы празвалі сталіцу «bush capital» (у перакладзе з англійскай «сталіца-зараснік»). Нягледзячы на тое, што росту і развіццю горада перашкодзілі Першая сусветная вайна і Вялікая дэпрэсія, пасля Другой сусветнай вайны Канбера стала квітнеючым горадам.

З’яўляецца рэзідэнцыяй аўстралійскага ўрада, у Канберы знаходзяцца парламент Аўстраліі, Вярхоўны суд, Аўстралійскі нацыянальны ўніверсітэт і шматлікія міністэрствы і агенцтвы. У горадзе таксама знаходзяцца грамадскія і культурныя ўстановы дзяржаўнага значэння, такія як Нацыянальная галерэя Аўстраліі і Нацыянальны музей Аўстраліі. Федэральны ўрад уносіць найбуйны фундуш у валавы прадукт горада і з’яўляецца найбуйным працадаўцам у Канберы.