Каралеўскі сельскагаспадарчы ўніверсітэт

Каралеўскі сельскагаспадарчы ўніверсітэт (англ.: Royal Agricultural University) — брытанская дзяржаўная вышэйшая навучальная ўстанова са статусам універсітэта з сядзібай у горадзе Сайрэнсестэр.

Каралеўскі сельскагаспадарчы ўніверсітэт
англ.: Royal Agricultural University
Арыгінальная назва	англ.: Royal Agricultural University
Заснаваны	1845
Год рэарганізацыі	2013
Краіна	Вялікабрытанія
Размяшчэнне	Сайрэнсестэр, Англія
Сайт	rau.ac.uk
Медыяфайлы на Вікісховішчы

Агульная характарыстыка

Каралеўскі сельскагаспадарчы ўніверсітэт быў заснаваны як Каралеўскі сельскагаспадарчы каледж у 1842 годзе на пасяджэнні фермерскага клуба. Занепакоены адсутнасцю дзяржаўнай падтрымкі профільнай адукацыі, Роберт Джэфрыс-Браўн выступіў на сустрэчы на тэму «Перавагі спецыяльнай адукацыі для сельскагаспадарчых заняткаў». Быў распаўсюджаны праспект, прызначаны генеральны камітэт і прэзідэнтам быў абраны Генры Батэрст, 4-ы граф Батэрст. Сродкі збіраліся шляхам грамадскай падпіскі: вялікая частка падтрымкі атрымлівалася ад заможных землеўладальнікаў і фермераў, а дзяржаўнай падтрымкі не было. Будаўніцтва галоўнага будынка ў віктарыянскім стылі Цюдораў пачалося ў красавіку 1845 года. Першыя 25 студэнтаў былі прынятыя ў каледж у верасні 1845 года.

Каралева Вікторыя ўручыла каледжу каралеўскую хартыю ў 1845 годзе, і з тых часоў каралі з’яўляюцца патронамі вучэльні. Прынц Чарлз стаў прэзідэнтам вучэльні ў 1982 годзе.

У 2013 годзе каледж атрымаў поўны статус універсітэта і адпаведна змяніў назву. У 2019/2020 навучальным годзе ў ім навучалася 1 125 студэнтаў, а колькасць абітурыентаў павялічылася на 49 % у перыяд з 2008 па 2013 год. Каралеўскі сельскагаспадарчы універсітэт быў прызнаны самым бяспечным універсітэтам на паўднёвым захадзе ў 2013 годзе і займае першае месца ў Вялікабрытаніі па выдатках на свае аб'екты.

Спасылкі

• На Вікісховішчы ёсць медыяфайлы па тэме Каралеўскі сельскагаспадарчы ўніверсітэт
• Афіцыйная інтэрнэт-старонка ўстановы