Карл Франц Піч

Карл Франц Піч, Карэл Францішак Піч (ням.: Karl Franz Pitsch, чэшск.: Karel František Pič; 5 лютага 1786, Бацдорф, цяпер Барташовіцы-ў-Орліцкіх-гарах, Кралаваградзецкі край — 12 чэрвеня 1858, Прага) — чэшскі арганіст і кампазітар.

Карл Франц Піч
Асноўная інфармацыя
Дата нараджэння	5 лютага 1786(1786-02-05)[…]
Месца нараджэння	Барташавіцы ў Орліцкіх горах[d], Каралеўства Багемія, Землі багемскай кароны, Свяшчэнная Рымская імперыя
Дата смерці	12 чэрвеня 1858(1858-06-12)[…] (72 гады)
Месца смерці	Прага, Каралеўства Багемія, Землі багемскай кароны, Аўстрыйская імперыя[…]
Месца пахавання	Ольшанскія могілкі
Краіна	Аўстрыйская імперыя
Альма-матар	Карлаў універсітэт
Музычная дзейнасць
Прафесіі	кампазітар, музычны педагог, музыказнавец, арганіст
Інструменты	арган
Жанры	класічная музыка і літургічная музыка[d]

Біяграфія

Атрымаў першыя ўрокі музыкі ў свайго бацькі. Скончыўшы гімназію ў Індржыхуве-Градцы, вывучаў фартэпіяна, арган і кантрапункт у арганіста Іагана Франца Ота ў Кладска. Затым скончыў філасофскі факультэт Карлавага ўніверсітэта. У 1815—1826 гадах працаваў настаўнікам музыкі ў багатых дамах Чэхіі. У 1826 г. пераехаў у Прагу, з 1832 г. арганіст пражскай царквы Святога Мікалая. У 1840 г. узначаліў Пражскую арганную школу, якой кіраваў да канца жыцця; вучнямі Піча былі, у прыватнасці, Карэл Бендль і Францішак Скугерскі.

Карл Франц Піч быў абраны ганаровым членам некалькіх музычных арганізацый, у тым ліку Зальцбургскага Мацартэума (1845).

Аўтар Рэквіему, некалькіх імшаў і іншай царкоўнай харавой і арганнай музыкі.

Карл Франц Піч памёр 12 чэрвеня 1858 года ў чэшскай сталіцы.