Касцёл Найсвяцейшай Тройцы (Дэмбрава)

Касцёл Найсвяцейшай Тройцы — мураваны каталіцкі храм у аграгарадку Дэмбрава Шчучынскага раёна Гродзенскай вобласці, помнік архітэктуры барока.

Каталіцкі храм
Касцёл Найсвяцейшай Тройцы
53°38′06″ пн. ш. 24°28′28″ у. д.
Краіна	Беларусь
Месцазнаходжанне	Дэмбрава
Канфесія	Каталіцызм
Епархія	Гродзенская дыяцэзія Шчучынскі дэканат
Архітэктурны стыль	барока
Першае згадванне	1674 г.
Дата пабудовы	XVIII ст.
Стан	дзейнічае
Медыяфайлы на Вікісховішчы

Гісторыя

Касцёл пабудаваны ў XVIII стагоддзі на месцы храма 1674 года.

Архітэктура

Размешчаны ў цэнтры вёскі. Помнік архітэктуры барока. Вырашаны прамавугольным у плане пад двухсхільным дахам аб’ёмам, да якога далучана прамавугольная апсіда з бакавымі нізкімі сакрысціямі. Над трохвугольным франтонам фасада ўзведзена двух’ярусная (васьмярык на чацверыку) шатровая драўляная званічка. Бакавыя фасады рытмічна расчлянёны арачнымі аконнымі праёмамі і шырокімі лапаткамі ў прасценках. Уваход аформлены парталам з глыбокай прамавугольнай нішай і двухсхільным пакрыццём.

Вакол касцёла захавалася бутавая агароджа з брамай.

Літаратура

• Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Спасылкі

• Дзембрава — парафія Найсвяцейшай Тройцы на Catholic.by