Касцёл Святой Тройцы (Бердаўка)

Касцёл Святой Тройцы — мураваны каталіцкі храм у аграгарадку Бердаўка Лідскага раёна Гродзенскай вобласці. Знаходзіцца ў цэнтры на вуліцы Школьнай, 16.

Каталіцкі храм
Касцёл Святой Тройцы
53°55′28″ пн. ш. 25°30′34″ у. д.
Краіна	Беларусь
Аграгарадок	Бердаўка
Канфесія	Каталіцызм
Епархія	Гродзенская дыяцэзія
Дэканат	Лідскі дэканат
Будаўніцтва	2009

Гісторыя

Стары касцёл (1920—1939)

Папярэдні касцёл быў пабудаваны ў 1920-х гадах. Пасля Другой сусветнай вайны касцёл разабралі, а дрэва пайшло на пабудову вясковага клуба.

Парафія створана 8 студзеня 1992 года. У 1992 годзе пад часовы храм быў прыстасаваны клуб. У 2009 годзе быў асвячоны новы мураваны касцёл.

Архітэктура

Вырашаны прамавугольным у плане аб’ёмам пад двухсхільным дахам. Да фасада далучана высотная чатырохгранная вежа-званіца. Бакавыя фасады рытмічна расчлянёны высока ўзнятымі арачнымі аконнымі праёмамі з двухграннымі сандрыкамі над паддахавым карнізам.

Пробашчы

• Міхал Сцяцкевіч.

Літаратура

• Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Спасылкі

• Касцёл Святой Тройцы (Бердаўка) на сайце Catholic.by (бел.)
• Касцёл Святой Тройцы | Бердаўка
• Касцёл Святой Тройцы (Бердаўка) на сайце Глобус Беларусі (руск.)