Кахінхін

Кахінхін — парода свойскіх курэй мяснога тыпу. Паходзіць ад дзікага банкіўскага пеўня. Выведзена ў Паўднёва-Усходняй Азіі. Птушка буйная, а акругленымі формамі, пышным, рыхлым апярэннем. Колер белы, жоўты, паласаты, палевы, чорны. Галава невялікая; грэбень невялікі, прамастойны, лістападобны; спіна кароткая і шырокая, крылы кароткія, закругленыя, хвост кароткі; ногі невысокія, моцна апераныя. Жывая маса пеўня да 5, курыцы — да 4 кг. Несціся пачынаюць у 7-8 месячным узросце. Яйцаноскасць 100—120 яец.

Кахінхін палевы

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).