Каўнаскі тэхналагічны ўніверсітэт
Каўнаскі тэхналагічны ўніверсітэт (літ.: Kauno technologijos universitetas, у 1951—1990 гадах — Каўнаскі політэхнічны інстытут, літ.: Kauno politechnikos institutas, у 1974—1989 гадах насіў імя Антанаса Снечкуса) — тэхнічны ўніверсітэт у Каўнасе, Літва, адзін з найбуйнейшых тэхнічных універсітэтаў у краінах Прыбалтыкі.
| Каўнаскі тэхналагічны ўніверсітэт (КТУ) | |
|---|---|
| Kauno technologijos universitetas | |
 | |
 | |
| Арыгінальная назва | Kauno technologijos universitetas |
| Міжнародная назва | Kaunas University of Technology |
| Дэвіз | Scientia, ingenium, virtus |
| Заснаваны | 1922 |
| Рэктар | Пятрас Баршаўскас |
| Студэнты | 10495 |
| Дактарантура | 335 |
| Размяшчэнне | Каўнас, Літва |
| Юрыдычны адрас | K. Donelaičio g. 73 Kaunas |
| Сайт | ktu.edu |
 Медыяфайлы на Вікісховішчы | |
Гісторыя правіць
Каўнаскі тэхналагічны ўніверсітэт адлічвае сваю гісторыю з 1922 года, калі ў Каўнасе быў заснаваны Літоўскі ўніверсітэт, у 1930 годзе пераназваны ва ўніверсітэт Вітаўта Вялікага, у якім меліся факультэты тэалогіі, гуманітарных навук, правы, матэматычных і прыродазнаўчых навук, медыцыны, тэхнікі. Узімку 1940 года ў Вільнюс пераводзяцца факультэты гуманітарных навук і права, улетку таго ж года — матэматычных і прыродазнаўчых навук. З 1944 года ў Каўнаскім універсітэце, як ён называецца з 1940 года, дзейнічаюць гісторыка-філалагічны, медыцынскі, будаўнічы і тэхналагічны факультэты. У 1949 годзе першы з іх быў зачынены, а з 31 кастрычніка 1950 года другі быў ператвораны ў Каўнаскі медыцынскі інстытут, а два апошнія — у Каўнаскі політэхнічны інстытут, які пачаў працу ў 1951 годзе. У кастрычніку 1990 года Вярхоўны савет Літвы пастанавіў пераўтварыць Каўнаскі політэхнічны інстытут у Каўнаскі тэхналагічны ўніверсітэт.