Кербер (спадарожнік)

Кербер (Kerberos; таксама S/2011 P 1 і P4) — чацвёрты спадарожнік Плутона. Адкрыты 28 чэрвеня 2011 года. Паводле папярэдніх ацэнак, яго дыяметр складае ад 13 да 34 км[3][4][5][6]. На момант свайго адкрыцця быў самым маленькім з усіх спадарожнікаў Плутона, да выяўлення ў 2012 годзе пятага спадарожніка Стыкс.

Кербер / Kerberos
спадарожнік Плутона
Orbit of Pluto's moon P4.jpg
Гісторыя адкрыцця
Першаадкрывальнік Mark Robert Showalter[d]
Дата адкрыцця 28 чэрвеня 2011
Арбітальныя характарыстыкі
Вялікая паўвось 59 000 км
Эксцэнтрысітэт ≈ 0[1]
Перыяд абарачэння 32,1 ± 0,3 дня[1]
Нахіл арбіты ≈ 0°[1]
Фізічныя характарыстыкі
Дыяметр 13—34 км
Сярэдні радыус 6,5—17 км
Маса 16 500 000 000 000 000 кг[2]
Перыяд вярчэння вакол сваёй восі невядома

Арбітальныя характарыстыкіПравіць

 
Спадарожнікі Плутона. S/2011 P 1 (Кербер) абведзены кружком.

Вялікая паўвось арбіты спадарожніка роўная прыблізна 59 000 км[7].

Арбіта Кербера знаходзіцца паміж арбітамі двух іншых малых спадарожнікаў Плутона — Нікты і Гідры. Перыяд абарачэння спадарожніка вакол Плутона — 31 дзень[8].

АдкрыццёПравіць

Спадарожнік быў выяўлены пры абследаванні неба касмічным тэлескопам «Хабл» 28 чэрвеня 2011 года. Новыя фатаграфіі былі атрыманы 3 і 18 ліпеня[9]. Афіцыйна адкрыццё новага спадарожніка было пацверджана 20 ліпеня[7].

Аб’екту было дадзена часавае абазначэнне P4. Як было абвешчана, спадарожнік быў выяўлены выпадкова, гэта значыць, яго адкрыццё не было вынікам спланаваных пошукаў.

Як заяўляюць у НАСА, вывучэнне спадарожніка S/2011 P 1 будзе ўключана ў праграму даследаванняў, якія будзе праводзіць у 2015 годзе касмічны апарат «Новыя гарызонты»[4][10].

НазваПравіць

Пасля адкрыцця гэты спадарожнік атрымаў часавае абазначэнне S/2011 (134340) 1 у адпаведнасці з сістэмай класіфікацыі астранамічных аб’ектаў. Марк Шоўалтэр, які ўзначальвае групу вучоных, што адкрылі новы спадарожнік, заявіў, што ў адпаведнасці з правіламі Міжнароднага астранамічнага саюза спадарожніку будзе прысвоена імя з грэчаскай міфалогіі, звязанае з падземным царствам мёртвых (працягваючы шэраг — Плутон (бог падземнага царства), Харон (перавозчык душ праз раку Стыкс) і г.д.)[11]. У галасаванні, якое было праведзена на спецыяльна створаным сайце, перамаглі варыянты Вулкан і Цэрбер[12]. 2 ліпеня 2013 года спадарожнік атрымаў афіцыйнае імя — Kerberos (Кербер). Было вырашана даць спадарожніку назву ў лацінскай транскрыпцыі грэчаскага імя гэтага міфалагічнага персанажа, каб не ўзнікла блытаніны з назвай астэроіда (1865) Цэрбер (Cerberus)[13][14][15].

Гл. таксамаПравіць

Зноскі

  1. 1,0 1,1 1,2 Showalter, M. R.; Hamilton, D. P. New Satellite of (134340) Pluto: S/2011 (134340) 1(англ.) . Central Bureau for Astronomical Telegrams. International Astronomical Union (20 ліпеня 2011). Архівавана з першакрыніцы 15 жніўня 2012. Праверана 20 ліпеня 2011. Памылка ў зносках: памылковы тэг <ref>; імя "telegram" вызначана некалькі разоў з розным зместам
  2. NASA FACTSNASA.
  3. «Хабл» выпадкова знайшоў новы спадарожнік Плутона, Лента.ру (20 ліпеня 2011). Праверана 20 ліпеня 2011.
  4. 4,0 4,1 Tiny fourth moon discovered in Pluto's orbit(англ.) , CNN . Праверана 20 ліпеня 2011.
  5. У Плутона знайшлі новы спадарожнік, Камсамольская праўда (20 ліпеня 2011). Праверана 20 ліпеня 2011.
  6. Тэлескоп «Хабл» знайшоў новы спадарожнік Плутона, Правда.ру (20 ліпеня 2011). Праверана 20 ліпеня 2011.
  7. 7,0 7,1 Pluto Has Another Moon, Hubble Photos Reveal(англ.) . Space.com (20 ліпеня 2011). Архівавана з першакрыніцы 15 жніўня 2012. Праверана 20 ліпеня 2011.
  8. Alan Boyle. Scientists spot Pluto's fourth moon(англ.)  (недаступная спасылка). Cosmic Log. Архівавана з першакрыніцы 15 жніўня 2012. Праверана 20 ліпеня 2011.
  9. NASA: Адкрыты чацвёрты спадарожнік карлікавай планеты Плутон, Аргументы.ру (20 ліпеня 2011). Праверана 20 ліпеня 2011.(недаступная спасылка)
  10. Deborah Zabarenko, Will Dunham. The Hubble Space Telescope has discovered a tiny fourth moon orbiting the distant icy dwarf planet Pluto, NASA said on Wednesday.(англ.) , Reuters (20 July 2011). Праверана 20 ліпеня 2011. Архівавана 21 ліпеня 2011.
  11. What should Pluto's new moon be named?(англ.) , New Scientist (20 July 2011). Праверана 3 кастрычніка 2011. Архівавана 26 верасня 2017.
  12. Дапамажыце нам назваць спадарожнікі Плутона!(руск.) . Pluto Rocks!. Архівавана з першакрыніцы 13 сакавіка 2013. Праверана 16 лютага 2013.
  13. Names for New Pluto Moons Accepted by the IAU After Public Vote
  14. 2 Pluto Moons Get New Names (Sorry 'Star Trek' Fans)(англ.) , Space.com (2 July 2013). Праверана 2 ліпеня 2013.
  15. Alan Boyle. Sorry, Trekkies: Pluto moons dubbed Styx and Kerberos (and not Vulcan)(англ.) , NBC News (2 July 2013). Праверана 2 ліпеня 2013.

СпасылкіПравіць