Кнігі Якуба
Кнігі Якуба або Вялікае падарожжа праз сем межаў, пяць моў і тры вялікія рэлігіі, не лічачы тых малых (польск.: Księgi Jakubowe albo Wielka podróż przez siedem granic, pięć języków i trzy duże religie, nie licząc tych małych) — гістарычны раман Вольгі Такарчук, апублікаваны ў кастрычніку 2014 года выдавецтвам Wydawnictwo Literackie[1]. У 2015 годзе кніга была адзначана прэміяй «Nike»[2], таксама атрымала адзнаку чытачоў у рамках гэтай прэміі[3].
| Кнігі Якуба | |
|---|---|
| Księgi Jakubowe albo Wielka podróż przez siedem granic, pięć języków i trzy duże religie, nie licząc tych małych | |
| Жанр | Раман |
| Аўтар | Вольга Такарчук |
| Мова арыгінала | польская |
| Дата першай публікацыі | 2014 |
Кніга, якая прынесла Такарчук другую за яе кар’еру прэмію «Ніка», пісалася амаль сем гадоў[2]. На 912 старонках[1] аўтар прадстаўляе маляўнічы свет Рэчы Паспалітай. Героі раману — гістарычныя асобы, у т.л. паэтэса барока Эльжбета Дружбацка, жонка камянецкага кашталяна Катажына Касакоўская, арыстакрат Антоні «Маліўда» Касакоўскі, аўтар Новых Атэн, адной з першых польскіх энцыклапедый, ксёндз Бэнэдыкт Хмялоўскі[1], і найперш Якуб Лейбовіч Франк, які абвесціў сябе Месіяй і прывёў да паўстання ў іўдаізме ерэтычнай секты франкістаў.
Хаця дзеянне кнігі, між іншым, і адбываецца у Падоллі XVIII стагоддзя, паводле Аляксандры Ліпчак, яна таксама закранае актуальныя і важныя тэмы XXI стагоддзя[4]. На думку Пшэмыслава Чаплінскага, вобраз Рэчы Паспалітай, які прадстаўлены ў «Кнігах Якуба», далёкі ад ідэалізаванай версіі, вядомай чытачам па Трылогіі Сенкевіча[4].
Зноскі
- ↑ а б в Księgi Jakubowe — Olga Tokarczuk Архівавана 20 студзеня 2021., wydawnictwoliterackie.pl
- ↑ а б Nagroda Nike 2015 dla Olgi Tokarczuk. «Księgi Jakubowe» książką roku!, gazeta.pl, Milena Rachid Chehab, 2015-10-04
- ↑ Nike 2015 dla Olgi Tokarczuk, nike.org.pl
- ↑ а б «Księgi Jakubowe», czyli dwieście lat samotności. Recenzja nowej książki Olgi Tokarczuk, Przemysław Czapliński, 2014-10-21, gazeta.pl