Корча (піва)
«Корча» — албанская піваварная кампанія, а таксама аднайменны таварны знак і сорт піва. Трэці па аб'ёмах вытворца піва ў Албаніі.
| Корча | |
|---|---|
 | |
| Тып | таварны знак, бізнес і прадпрыемства |
| Заснаванне | 1928 |
| Краіна | |
| Размяшчэнне |
 Албанія, Корча |
| Адрас | |
| Галіна | Піваварства |
| Прадукцыя | Піва |
| Колькасць супрацоўнікаў |
|
| Матчына кампанія | IHB Group |
| Сайт | birrakorca.com.al |
 Вонкавыя выявы
| |
|---|---|
|
Плакат з рэкламай піва «Корча» |
Гісторыя
правіцьБровар быў заснаваны ў 1928 годзе ў горадзе Корча італьянскім інвестарам Umberto Umberti і албанскім — Selim Mboria. Першапачатковы капітал створанай кампаніі складаў 950 000 франкаў. Вытворчая магутнасць дасягала 20 000 гекталітраў у год — вырабляўся эль, цёмнае піва, бутыляваная вада і лёд.
Пасля заканчэння Другой сусветнай вайны і ўсталявання камуністычнага рэжыму ў Албаніі, у студзені 1946 года, бровар стаў уласнасцю албанскай дзяржавы. У наступныя дваццаць гадоў ён быў некалькі разоў рэканструяваны, кожны раз павялічваючы аб'ёмы вытворчасці. У красавіку 1994 года, пасля змены палітычнага кіраўніцтва ў краіне, змянення сацыяльнага становішча і лібералізацыі рынку, бровар «Корча» быў набыты на аўкцыёне групай прадпрымальнікаў. У 2004 годзе бровар быў набыты бізнесменам Ірфанам Хюсенбеліу, генеральным дырэктарам IHB Group, які інвеставаў 15 млн еўра ў рэканструкцыю і абнаўленне завода. Бровар зведаў тэхналагічныя і архітэктурныя змены, і, выкарыстоўваючы найноўшыя чэшскія і італьянскія тэхналогіі, стаў вырабляць 120 000 гекталітраў піва ў год. Для вытворчасці піва выкарыстоўваецца вада з прыродных крыніц гары Марава.[1]
У горадзе Корча ў жніўні праводзіцца штогадовы традыцыйны фестываль піва, арганізаваны мясцовым аднайменным піваварным заводам.[2][3]
Прадукцыя
правіць
Піва пад брэндам «Корча» ўключае: белы эль з утрыманнем алкаголю 4,8 – 5,0 % і цёмны эль з утрыманнем алкаголю 5,0 – 5,2 %. Прадаецца ў бутэльках 0,33 і 0,5 літра, а таксама ў кегах па 30 і 50 літраў.
Піва мае шэраг узнагарод за сваю высокую якасць. Прычым першая была атрымана ў год стварэння бровара, у 1928 годзе, у Салоніках, Грэцыя. У 2007 годзе ў Лондане кампанія была ганаравана міжнароднай прэміяй за якасць Quality Crown Award. У 2009 годзе ў Франкфурце прадпрыемству была ўручана ўзнагарода International Arch of Europe Award у катэгорыі, дзе канкуравалі піваварныя прадпрыемствы з 178 краін. Прадукцыя «Корча» шырока распаўсюджана ў Албаніі і экспартуецца за мяжу, у тым ліку ў ЗША, дзе яно папулярна ў штаце Масачусетс.[4] Кампанія «Корча» мае сертыфікат ISO 22000, які з'яўляецца міжнародным стандартам у харчовай прамысловасці.
Зноскі
- ↑ Morava mountain, Albania (англ.)
- ↑ Курча
- ↑ Славутасці Албаніі(недаступная спасылка). Архівавана з першакрыніцы 9 жніўня 2016. Праверана 6 красавіка 2017.
- ↑ Birra Korça në USA (алб.)
Спасылкі
правіць
На Вікісховішчы пакуль няма медыяфайлаў па тэме, але Вы можаце загрузіць іх- Афіцыйны сайт (алб.)
