Крушэнне лодкі з мігрантамі ля берагоў Грэцыі (2023)
14 чэрвеня 2023 года каля берагоў Грэцыя пацярпела крушэнне лодка, якая перавозіла мігрантаў[1].
Меркавана 10 чэрвеня судна адправілася з Табрука, Лівія, яе пунктам прызначэння была Італія. У ноч на 14 чэрвеня яна перавярнулася ў міжнародных водах недалёка ад горада Пілас, Грэцыя[2][3]. Большасць пасажыраў былі з Егіпта, Сірыі і Пакістана[2]. Пасля крушэння пачалася маштабная выратавальная аперацыя з прыцягненнем берагавой аховы і ВМС, таксама ўдзел прымалі прыватныя судны[4].
Колькасць пасажыраў на лодцы ацэньваецца ў 400—750 чалавек, паведамляецца аб выратаванні 104 з іх. Колькасць загінулых — 82 чалавекі, дакладная колькасць зніклых без вестак невядома[5]. Каля 30 чалавек шпіталізаваны ў Пілосе[6]. Чатыры чалавекі з сімптомамі пераахаладжэння былі дастаўлены верталётам у бальніцу горада Каламата[7]. Урад Грэцыі абвясціў трохдзённую жалобу[2]. Гэта здарэнне стала найбуйнейшым караблекрушэннем у Грэцыі з пачатку года[8], а таксама ацэньваецца як адно з самых смяротных у Еўропе за апошнія гады[2]. Папярэдняй прычынай называецца перагружанасць[3].
Гл. таксама
правіцьЗноскі
правіць- ↑ "Seventy-nine dead and hundreds missing in 'one of Greece's biggest migrant tragedies'". BBC News. 2023-06-14. Праверана 2023-06-15.
- ↑ а б в г Tagaris, Karolina (2023-06-14). "At least 79 drown, hundreds missing in migrant shipwreck off Greece". Reuters. Праверана 2023-06-15.
- ↑ а б У берегов Греции перевернулась лодка с мигрантами из Северной Африки. Погибли больше 70 человек (руск.). Meduza (16 красавіка 2023). Праверана 15 чэрвеня 2023.
- ↑ Death toll in Greece refugee boat tragedy soars to 78 (англ.). Al Jazeera (14 чэрвеня 2023). Праверана 15 чэрвеня 2023.
- ↑ "At least 79 people drown as refugee boat sinks off Greece". The Guardian. 2023-06-14.
- ↑ Dozens of migrants dead, fears for hundreds missing in Greece shipwreck (англ.). France 24 (14 чэрвеня 2023).
- ↑ "At least 79 dead, hundreds missing in year's deadliest wreck off Greece". Washington Post. 2023-06-14.
- ↑ У берегов Греции перевернулась лодка, погибли десятки человек (руск.). Радио Озоди (14 чэрвеня 2023).