Кунцаўшчына (жылы раён, Мінск)

Ку́нцаўшчына — мікрараён у складзе Фрунзенскага раёна горада Мінска.

Назва

Назва мікрараёна Кунцаўшчына ад назвы вёскі Кунцаўшчына, якая была недалёка ад цяперашняга мікрараёна.

Размяшчэнне

У заходняй частцы Мінска. Мяжуе з мікрараёнамі Каменная Горка, Дамброўка, Захад. Вёска Кунцаўшчына, ад назвы якой названы мікрараён, была больш на захад, у раёне цяперашняй вуліцы Валожынскай у мікрараёне Красны Бор.

Вуліцы

У. Галубка, Кунцаўшчына, Ляшчынскага, Матусевіча, Прытыцкага.

Гарадская інфраструктура

2 філіяла ААТ «ААБ Беларусбанк», пошта, аптэкі, паліклініка № 26, гарадскі кардыялагічны дыспансер, 7 дзіцячых садкоў, гімназіі № 4 і № 39, 3 сярэднія школы, музычная школа № 17, 2 ЖЭУ, 3 універсамы («Кунцаўшчына», «Заходнi», «Рублёўскі»), 4 прадуктовых крамы, мэблевы магазін, дом быту.

Транспарт

• Дыспетчарская станцыя «Кунцаўшчына»

Аўтобусы

• № 12, 17, 29, 30а, 30с, 36, 40, 41, 42, 54, 78, 83э, 101, 107, 116, 121, 121д, 122э, 128, 137, 138, 140, 144с, 149, 177э, 185
• Прыпынак прыгарадных аўтобусаў

Тралейбусы

• № 9, 13, 18, 21, 25, 31, 48, 52, 55

Маршрутныя таксі

• № 1026, 1106, 1130, 1149, 1183, 1230, 1259

Метро

7 лістапада 2005 года былі адкрыты станцыя метро «Кунцаўшчына» і станцыя метро «Каменная горка», якія размясціліся па краях мікрараёна.

Стрыт-арт

Восенню 2019 года на фасадах трох 12-павярховых жылых дамоў па вул. Прытыцкага 134, 136 і 150 створаны тры манументальных мурала «Будучыня». Муралы ўяўляюць сабой трыпціх на тэму сучаснасці і будучыні Беларусі. Над стварэннем трыпціха працавалі мастакі Artez з Сербіі (мурал «Фрыланс»), Mutus з Беларусі (мурал "Лічбавы свет"), Тонкі і Jofre Oliveras з Іспаніі (мурал «Героі новага часу»). Праект быў рэалізаваны намаганнямі адміністрацыі Фрунзенскага раёна Мінска, стрыт-арт-актывістаў Urban Myths і кампаніі А1.