Курасоўшчына (парк)
Курасоўшчына, або Курасоўшчынскі парк — парк культуры і адпачынку ў Мінску ў мікрараёне Курасоўшчына, у межах вуліц Казінца, Каржанеўскага і Брэсцкай. У парку знаходзіцца штучнае вадасховішча Лошыца. Парк праектаваўся як частка Лошыцкай воднай сістэмы і водна-зялёнай сістэмы Мінска.
| Парк «Курасоўшчына» | |
|---|---|
 Від на вадасховішча Лошыца ў парку (фота 2009 г.) | |
| Асноўная інфармацыя | |
| Тып | парк культуры і адпачынку[d] |
| Дата заснавання | 1985 |
| Размяшчэнне | |
| 53°50′46″ пн. ш. 27°31′07″ у. д.HGЯO | |
| Краіна | |
| Горад | Мінск |
| Раён | Кастрычніцкі раён |
 | |
 Медыяфайлы на Вікісховішчы | |
Гісторыя правіць
Парк быў створаны ў 1985 г. «у гонар 40-годдзя перамогі савецкага народа ў Вялікай Айчынай вайне». Пры будаўніцтве парку быў выкарыстаны натуральны прыродны ландшафт (зялёны масіў) наяўнага Лошыцкага вадасховішча.
Само Лошыцкае вадасховішча было створана ў 1970-х гг. выключна для практычных мэт — забеспячэння тэхнічных працэсаў прадпрыемства «Інтэграл», якое знаходзілася побач са ствараемым вадасховішчам, — шляхам перакрыцця рэчкі Лошыца ў двух месцах.
Пры будаўніцтве парку былі створаны набярэжная, дарожкі, асвятленне, электрападстанцыя, грамадскі туалет.
У парку планавалася будаўніцтва палаца культуры НВА «Інтэграл», якое так і не было пачата.
Да пачатку 1990-х гг. парк прыйшоў у запусценне.
.jpg)
У 2000-х гг. пачалася рэканструкцыя парку, было ачышчана вадасховішча, пабудаваны веладарожкі, а таксама спартыўны аб'ект «Сонечная даліна» з выкарыстаннем штучнага ўзвышша, якое ўтварылася яшчэ ў ходзе будаўніцтва Лошыцкага вадасховішча, — у якасці схілу для гарналыжных відаў спорту. Былі пабудаваны пад'ёмнікі і ўстаноўкі для штучнага аснежвання схілаў, а таксама рэстаран і кемпінг. Да чэмпіянату свету па хакеі на лёдзе, які прайшоў у Мінску ў 2014 г., на тэрыторыі парку быў пабудаваны гатэль «Холт Тайм».
Славутасці правіць
У заходняй частцы парку (аддзеленай ад асноўнага масіва парку вуліцай Казінца) знаходзіцца помнік архітэктуры канца XIX ст., вядомы як «Белая дача».
Літаратура правіць
- Архитектура Советской Белоруссии — Architecture of the Soviet Byelorussia / В. И. Аникин, И. И. Бовт, А. А. Воинов, Ю. В. Потапов, В. Э. Соколовский; Под общ. ред. В. И. Аникина. — Москва : Стройиздат, 1986. — 319 с.
- Архітэктура Беларусі : нарысы эвалюцыі ва ўсходнеславян. і еўрап. кантэксце: у 4 т. / А. І. Лакотка [і інш.]; навук. рэд. А. І. Лакотка. — Мінск : Беларус. Навука, 2009. — Т. 4, кн. 2. Архітэктура XX — пачатку XXI ст. — 790 с.
- Воинов, А. А. История архитектуры Белоруссии: учеб. для вузов по спец. 1201 «Архитектура» : в 2 т. / А. А. Воинов. — Минск : Выш. шк., 1987. — 2-е изд., перераб. и доп. — Т. 2 (Советский период). — 293 с.
- Градостроительство Белоруссии / В. И. Аникин, Е. Л. Заславский, И. А. Иодо и др.; Под общ. ред. А. В. Сычевой. — Минск : Высшая школа, 1988. — 247 с.
- Потапов, Л. С. Силуэт Минска / Л. С. Потапов. — Минск : Наука и техника, 1980. — 144 с.
Спасылкі правіць
- Парк «Курасовщина». История с продолжением Архівавана 11 студзеня 2015. // mk.by
- Парк Курасовщина обустроят для скейтбордистов // blizko.by
- «Солнечная долина» Архівавана 31 кастрычніка 2020. // s-dolina.by
- Парк Курасовщина // tuda-suda.by
- Парк Курасовщина // park-kurasovshhina.chatoff.by
- Парки Минска: зеленые уголки города Архівавана 28 верасня 2016. // svobodno.by
На Вікісховішчы ёсць медыяфайлы па тэме Курасоўшчына (парк)
