Лужскі раён

Лужскі муніцыпальны раён (руск.: Лу́жский муниципа́льный райо́н) — муніцыпальнае ўтварэнне ў паўднёвай частцы Ленінградскай вобласці Расіі. Утвораны ў жніўні 1927 года. Гістарычна яму папярэднічаў Лужскі павет, утвораны ў 1777 годзе. Адміністрацыйны цэнтр — горад Луга. Насельніцтва — 72 879 чал. (2018).

Лужскі раён
Герб Сцяг
Краіна	Расія
Уваходзіць у	Ленінградская вобласць (1930—?)
Адміністрацыйны цэнтр	Луга
Дата ўтварэння	1 жніўня 1927
Насельніцтва	▼74 392 чал. (2024)
Плошча	6 006 км²
Тэлефонны код	81372
Афіцыйны сайт (руск.)
Медыяфайлы на Вікісховішчы

Геаграфія

Плошча раёна — 6,07 тыс. км², 8,11 % плошчы вобласці. Па гэтым паказчыку раён займае пятае месца ў рэгіёне. Мяжуе на поўначы — з Гатчынскім муніцыпальным раёнам; на паўночным усходзе — з Тосненскім муніцыпальным раёнам; на паўднёвым усходзе — з Наўгародскай вобласцю (Наўгародскі, Бацецкі і Шымскі раёны); на поўдні — з Пскоўскай вобласцю (Плюскі раён); на захадзе — са Сланцаўскім муніцыпальным раёнам; на паўночным захадзе — з Воласаўскім муніцыпальным раёнам. Адлегласць ад адміністрацыйнага цэнтра раёна да Санкт-Пецярбурга — 140 км.

Тэрыторыя раёна мае раўнінны рэльеф, абсалютныя вышыні 0 — 100 метраў над узроўнем мора. Маюцца адклады шклянога пяску і торфу.

Клімат раёна ўмерана кантынентальны. Сярэдняя тэмпература чэрвеня 17 °C, студзеня — −8 °C. Гадавая колькасць ападкаў — 600—700 мм.

Па тэрыторыі раёна працякае рака Луга і яе прытокі Орадзеж, Саба, Яшчара. Таксама ў раёне шмат азёраў, найбуйнейшымі з якіх з’яўляюцца Вялле, Чарамянецкае, Врэва, Самра, Стрэчна. Значная частка раёна забалочаная.