Лунь поплаўны (Circus pygargus) — драпежная птушка сямейства шуляковых.

Лунь поплаўны
Montagu's Harrier, juvenile, Bangalore, India (edit).jpg
Самка
Навуковая класіфікацыя
Міжнародная навуковая назва

Circus pygargus Linnaeus, 1758

Арэал
выява

     Месца гнездавання

     Зімовая міграцыя
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  175439
NCBI  387828

АпісаннеПравіць

Памеры адносна невялікія. Даўжыня цела 41-52 см, размах крылаў 105-120 см. Самец папялісты, з чорнымі палосамі на крылах. У самцоў, пачынаючы з другога паслягнездавога апярэння, больш выразнымі робяцца ржавага колеру рыскі на сподзе. Стройны сілуэт з доўгімі крыламі і хвастом. Самка падобная да самак палявога і стэпавага лунёў. Маладыя падобныя да маладых стэпавага луня. Голас падае рэдка.

ПашырэннеПравіць

Арэал: Еўропа (акрамя поўначы, часткова акрамя поўдня), Цэнтральная і Заходняя Азія (Каўказ), паўночны захад Афрыкі. Насяляе вялікія па плошчы лугі альбо балоты з высокай травой і групамі кустоў. Пералётны, месца зiмовак: Паўднёвая Азія, Афрыка на поўдзень ад Сахары і ў раёнах ніжняга Ніла. На Беларусі адносна звычайны на гнездаванні пералётны і транзітна мігрыруючы від.

Асаблівасці біялогііПравіць

Гняздо ладзіць каля асновы куста альбо паміж купінамі высокай травы. У аснове яго — некалькі галінак (часам з прымессю лісця трыснягу); высцілка ў выглядзе плоскага круга з доўгіх і сухіх траў, з латком.

 
Яйкі Circus pygargus

Яйкі (4-5) трошкі падоўжныя з тупым вузейшым канцом (радзей авальныя, з аднолькавымі канцамі); белыя, бела-зеленаватыя альбо бела-жаўтаватыя; часам ёсць іржава-карычневыя альбо ржава-ружовыя плямы.

Можа скрыжоўвацца з Circus macrourus.

ЛітаратураПравіць

  • Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.